والله حلوة
لو جه فى بالنا نحلم بجنة
قوة ايماننا هى السلام
والدين معاملة ورسالة كاملة
يعنى الحكاية م فيهاش كلام
غنى وحب وصلى جماعة
لقلبك ساعة و ربك ساعة
والدنيا حلوة والله حلوة
مش ضاحكة علينا وخداعة
**********
م تقولش خلصت و ذنوبى كترت
م تعيشش فكرة جاي العذاب
صاحب الجلالة الله تعالى
م الاستحالة ينسى اللى تاب
ربنا م خلقناش نتألم
عادى بنغلط وبنتعلم
والدنيا حلوة واللهى حلوة
اوعى تسيب نفسك وتسلم
**********
لو حد هاننا او جرح طالنا
نفتح بيباننا م نردهاش
جايز نجاحنا يكسر جروحنا
ونحب روحنا م نظلمهاش
نملى حياتنا حب و فرحة
ونكتر اعمالنا الصالحة
الدنيا حلوة واللهى حلوة
مش ايام بتعدى و رايحة