[Magic Sword]

المشاركة الأصلية كتبت بواسطة د/اسراء

الف الف مبرووووووووووووووووووووووووك
ربنا يكمل فرحتكوا وتتبسطوا كمان فى الكليه اكتر واكتر
والله انا حاسه بفرحتكم دى كانت فرحه حلوه اوى
انا داخله تانيه طب بنى سويف الحمد لله
نصيحتى ليكم يا جماعه ذاكروا كل محاضره فى يومها ومتأجلوش حاجه ابدا ابدا
والله بجد عن تجربه دى اهم حاجه
انتو ان شاء الله عندكم الاناتومى ده جميل ومش صعب خالص كله حفظ اهم حاجه انك تذاكره كتيييير وتعيد وتزيد فيه علشان مش تنساه بس من ناحية الصعوبه هو مش صعب خالص مشكلتنا فى الكليه دى الحفظ كتيييييييييييييييييييييييييييييييييييييييييييييييي يييييييييييييييييييييييييييييييييييييييييير جدا انما والله مفيش حاجه صعب تتفهم
وكمان البيو ده اوله صعب انا فى اول السنه كنت تعبانه اوى منه لانه اول فصلين دول صعبين شويه انما بعد كده كنت بقول عليه اسهل المواد اللى عندنا وفعلا هو اسهل المواد اللى عندنا والعملى بتاعه جمييييييييييل جدا وسهل اوى اوى
والفسيولوجى هو الماده اللى ينفع يكون فيها فهم شويه وهيبقى جمييييل بس لو حبيتوا من اول السنه وما أجلتش اى محاضره
بس انا بئه مش كنت بحب العملى بتاعه خالص
والهستولوجى حفظ كتييييييييييييييييييييييير اوى
بس والله كل حاجه ان شاء الله هتبقى سهله مع الوقت
انت هتفضل حاسس انك تايه طول الترم الاول ده ومش عارف تذاكر ازاى
يا جماعه نظام الكليه غير نظام ثانوى خالص
انا السنه اللى فاتت كنت بذاكر كتييييييير بس كنت بذاكر بطريقه غلط ومش كنت بسأل حد اكبر منى فعلشان كده ما حققتش نتيجه كويسه
اهم حاجه انك تذاكر بطريقه صح لو ليك اخ كبير هيفهمك واسأل اصحابك ومتكسلش لأن المذاكره بطريقه صحيحه اهم من الدح لساعات طويله وخلاص
ربنا يوفقكم
ونسيت اقولكم كل سنه وانتم طيبين

اولا شكرا كتير ليكي يا دكتوره علي مشاركتك معانا واحنا سعداء جدا بيها ونتمني المذيد ان شاء الله
ثانيا شكرا لحضرتك علي مشاعرك الطيبه ومشاركتك فرحتنا يا رب يكرمك يا رب
ثالتا شكرا لحضرتك علي النصيحه الغاليه دي بس انا بقي مشكلتي الحفظ وما ادراك ما الحفظ انا اموت في العملي في طب(قياس الضغط والكانيولا وعلاج المرضي والحركات دي) لكن الحفظ ربنا يسهلها ان شاء الله
وفقنا الله واياكم لما يحبه ويرضاه
وكل عام وانتي طيبه