اقتباس:
المشاركة الأصلية كتبت بواسطة moon.shadow
السلام عليكم
انا شهادات معادلة ....وجاتلى طب اسيوط
بس انا من القاهرة ...وعايزة طب عين شمس ...وانشالله هحول عين شمس
بس التحويل نتيجته مش هتطلع غير بعد اسبوع من الدراسة عالاقل
ومستحيل اروح احضر فى اسيوط
هل احضر المحاضرات فى عين شمس ؟؟
وهل الموضوع دا عادى وبسهولة ؟؟
ولو حد كلمنى ؟؟ اوريلو جواب الترشيح اللى انا طالعلى فيه انى طب اسيوط واقولى انى هحول ؟؟
ولا اعمل ايه ؟
ارجوكم تفيدونى بالموضوع دا ....
|
أولا ألف مبروكإنك دخلت كلية الطب
ثانيا مفيش مشكلة إنك تدخل كلية طب عين شمس بس انت تقدر تحضر المحاضرات بس ... اما لو كان فيه سكاشن مش هينفع تحضرها غير لو انت طالب في الكلية ... واساسا انا سألت وعرفت ان السكاشن بتبدا بعد اسبوعين من بدا الدراسة يعني مفيش مشاكل ... ولو لا قدرالله مقدرتش تحضر الاسبوع الاول من الدراسة مفيش ادني مشكلة لأني سالت كتيير ومنهم ( أخويا ^__^ ) و قالولي عادي ده اسبوع بتتعرف فيه على الكلية يعني اسبوع تمهيدي ^__^
بالنسبة وانت داخل من باب الكلية مش كل مرة هتلاقي الأمن بيسألك على الكارنيه .... أنا دخلت في الاجازة كتييييييييير ولا في حد قالي تلت التلاتة كام .. .. ولو الأمن سالك عادي جدا وريه بطاقة الترشيح وقوله انك هتحول طب عين شمس وهتدخل معزز مكرم إن شاء الله
وألف مبروك مرة تانية وتبقى معايا انا ودكتور سنايبر وندخل أولى مع بعض ^___^ إن شاء الله ( اللهم زد وبارك بقينا 3 في المنتدى هل من مزيد )
