[Mr. Ali 1]

المشاركة الأصلية كتبت بواسطة mrweb

أرجو ان النقاش مايبقاش له شكل شخصي.

فيديو اللقاء


ياريت الناس تقول دي في صندوق انتخابات حر بدون تزوير ولا بلطجية, لكن طالما التزوير موجود و ببجاحة يبقى هدفنا هو الضغط من أجل صندوق انتخابات حر, وليس ان فلان احسن من فلان.

مين قال ان البرادعي عالم؟ البرادعي بدأ حياته في وزارة الخارجية المصرية مع عمرو موسى وكان في بعثة مصر في الامم المتحدة ثم سكرتير لوزير الخارجية ثم اساذ للقانون الدولي ثم رئيسا للوكالة الدولية للطاقة الذرية و ده منصب سياسي مثل أمين عام الامم المتحدة . و كما هو واضح من الخبر ان البرادعي اكد عدم رغبته في الترشح للرئاسة هو فقط يريد اصلاح الوضع السياسي في مصر.

اهم من البرادعي او اي اسم اخر هو حرية الانتخابات, انا عاوز الناس تفهم النقطة دي. يعني ايه انتخابات تتم بدون مراقبة حقيقية عليها او ضمان جدي لنزاهتها؟ يعني ايه انتخابات تتم في وجود قانون الطواريء , يعطي الحق لاي امين شرطة مش هاقول لك ظابط انه يعمل ما بدا له في المواطن المصري في ظل تعطيل سلطة النيابة.

انا حاسس انه الناس مستخفة بموضوع تزوير الانتخابات ده, يعني لما اغلب اعضاء مجلس الشعب والشورى و المجالس المحلية يجيوا بالتزوير منتظرين منهم خير مثلا؟ دي نقطة ماتعديش كده ما هما البيوافقوا على القوانين العجيبة البتتفرض علينا من ضريبة عقارية مالهاش تفسير غير الجباية بالعافية من المواطن, لنهب منظم من خلال الحصانة البيحصلوا عليها وتلاعبهم بالقوانين. ما ينفعش تشوفوا ده وتتقبلوه عادي وكأنه من بديهيات الحياة.

بدون اشراف خارجي علي الانتخابات , يبقي مفيش فايدة !!!!
والبرادعي وأمثالة المفروض لهم دور في هذا الأمر بما لديهم
من علاقات , انما لو اكتفينا بمطالبة النظام بكذا وكذا , فلن يجدي
هذا الأمر نفعاً !!!!
هو لما يطالب النظام بالرحيل , حيسمعوا كلامه ويرحلوا !!!