اقتباس:
المشاركة الأصلية كتبت بواسطة hassan43
ما يحدث فى مدرستى عموماً
عندنا مدير يعنى ( راجل محترم و منضبط جداً جداً ) و حريص و دقيق فى كل حاجة و بيحب المدرسة زى بيته و يمكن أكتر ده حتى ايام الاجازات و الجمعة بيروح المدرسة و بيشوف مين قاعد و سواء من العمال او الامن
المهم : اللى بيضايقنى انه ما بيحبش يشوف حد فاضى قدامه سواء مدرسين او تلاميذ
حتى حصص الالعاب مش بيرضى ينزل التلاميذ فيها و بيخلى المدرس يديها اى مادة للتلاميذ
و شايل كل ادوات الرياضة و مش بيرضى يطلعاها ده حتى طربيزة البنج اللى فى المدرسة اخدها و حطها فى مخزن يفرد عليها الكتب لدرجة انها مابقتش تنفع تانى
لا انكر انه راجل كويس و ذوق مع كل الناس بس مش عارف احكموا انتوا ...
|
على فكرة تعطيل الانشطة وتخزين الادوات الخاصة بيها دى مشكلة كبيرة جدا جدا ولو اى مسئول متابعة جالكم هتبقى مشكلة وهو والمدرس المسئول هيتحقق معاهم لانه واضح انه من العقليات القديمة بتاعة ان المدرسة للحشو والدراسة وبس ده طبعا مهم بس اتجاه مرفوض فى الوزارة خصوصا فى ظل التقويم الشامل اللى اتعمل مخصوص عشان بيفعل الانشطة ويقوم التلميذ من جميع الجوانب المهارية والوجدانية زى المعرفية بالظبط