[جارةالوادى]

المشاركة الأصلية كتبت بواسطة أم هيما

يعنى اعمل ايه تقدرى تقولى عندك حل لما اجى المدرسة من الساعه 7.30 و14 مدرس بيجوا الحصه التانية يعنى على 9 وانا يتشطب عليا تأخير وهما لا
ولما اكون ماشية مع زمايلى اخر اليوم واجى تانى يوم الاقى معمول ليا اذن خروج وهما لا اعمل ايه
طبعا فضلت ازعق وادعي عليهم واقول حسبى الله ونعم الوكيل وطبعا المدرسين زمايلى كل واحد خايف على مصلحته وانتى عارفه وضعنا ايه دلوقتى بين الناس دى وطبعا اهدى ومعرفش ايه ما البيه المدير هيعملى تقرير اخر السنة والله ما عارفه اعمل ايه غير انى اسيب المدرسة دى صعبان اوى شغلى فيها وتعبى اللى تعبته بس بجد الموضوع بقى كله قلة ادب وممكن اتهور لو فكر يعمل معايا حاجه تانى واهى الحكايه معددشى جايبه همها لا فيه تعيين ولا حاجه يبقى اقعد فى البيت احسن

انا كان مديرى استلمنى شوية كدة المهم بقى اتصلبت له هو اسلوبه مش كويس اصلا بس غلبان والله رحت قلت له من فضل حضرتك متكلمنيش كدة وبعدين بقى قالى خلاص مش هكلمك كدة رحت عند المكتب وقعدت اتكلمت معاه وقلت له بصراحة يعنى انا شايفة ان حضرتك متعسف معايا قالى لاء ابدا داانا زى اخوكى (بيصغر نفسه قال) وعشان المدرسة ومش عارفة ايه قلت له لاء حضرتك زى بابا وانا مقدرش ارد عليك واللى يرضى حضرتك اعمله المهم بقى هدى اللعب شوية وكل مايقولى احتياطى اروح اشراف ماشى ماهى برضو فى رصيدى لغاية ماطلعنى من دماغه