السلام عليكم و رحمة الله و بركاته
اتمنى ان تكونوا جميعا بخير
انا عايز اتكلم معاكم النهاردة عن نوع من الشخصيات و هم الشكاءون البكاءون وهم الذين يشتكون دائما وابداً يشتكون من كل الناس و من كل شى ........
كتير منا بتعدى عليه الشخصيات دي ممكن يكون جار ، صديق ، زميل فى العمل, زميل فى الدراسة يعنى ممكن حد يكلمك يقعد يحملك هموم الدنيا يقولك ده انا تعبان ومتضايق و الحالة بايظة خالص و قرفان من العيشة كلها
طبعا انا مش بتكلم عن الناس اللى ممكن تشكيلك من اللي بتعانيه لان دا طبيعى و الناس لبعضها و من الواجب علينا تخفيف همومهم ,لكن انا بتكلم عن الناس اللى كل ما تشوفك تشتكى فى كل وقت و فى كل مكان و المهم ان الناس دى بتبقى الحمد لله كويسة و الحمدلله ربنا رازقها بحاجات كتير ممكن ناس كتير بيتمنوها لكن هو ده طبع فيها زى ما تكون بتخاف تحس ان هى كويسة و مبسوطة لازم تنكد على نفسها و على كل اللى حوليها ........
المهم مطولش عليكم انتم اكيد عارفينهم كويس و ممكن تحكولنا عن تجاربكم مع هذه الشخصيات .......
و السؤال اللى بيطرح نفسه ايضا هو تفتكروا ازاى نتعامل مع النوع دا من الناس؟؟؟؟