[Mohamed.Helmy]

المشاركة الأصلية كتبت بواسطة usernamo

موضوعك رائع .. السؤال التانى اتعرضتله اليومين دول ...
هحكى الموضوع بإختصار .. و من غير ما اقعد اقول عيب و مش عيب و الكلام الفاضى ده ... انا كنت بحب بنى ادمه .. و هى كانت بتحبنى .. و كنت ناوى اخطب بعد السنة دى .. لانى احتمال كبير ادخل شرطة و اللى بيخش شرطة م بيفى غير يومين تلاتة فى السنة و هتخرج كبير فى السن شوية .. 24 سنة .. فكنت ناوى اكتب بعد الكلام ده .. المهم .. الظروف كانت اقوى منى و منها .. فكان معايا واحد صاحبى من 11 سنة عارف الموضوع فتعرف على صديقة اللى كنت بحبها ... انا عارف انه هو بيتسلى و البنت اللى معاه عارفه كده .. و هما الاتنين مش محترمين .. و احترامه قل جداً فى نظرى .. المهم يا عم محمد .. الواد ده اتقابل مع البنت دى .. كالعادة .. بس صدفة كانت معاها البنت اللى كنت بحبها .. هو قرر يوصلهم .. افاجأ الاقيه قال عنى ... كلام زبالة .. و انى مش راجل .. و انى مش بعرف العب كورة و انا بلعب الحمد لله فى نادى كبير فى مصر .. بس عشان يبينلهم انى كذاب .. (( علاقتها ايه بالموضوع متعرفش )) .. و ان هو اللى كان قايلى اروح الجيمنزيوم (( معرفش بردو ده علاقته ايه )) و قالها انى بتسلى .. بيها (( مع انى كلمت والدتها ووالدها )) و اهلها و اهلى كانوا ناويين على الخطوبة بعد السنة دى .. طبعاً البنت دى واثقة فيا .. حكتلى .. و الكارثة يا محمد انه قال كمان على واحد صاحبنا شتايم مش كويسة .. و طبعاً كل ده عشان يبان هو الراجل الوحيد اللى بينا .. و انه هو القوى الشرس .. و الكلام ده .. و طبعاً اللى بيعمل كده بيبقى عنده نقص .. غير النفاق و الفشر اللى هو فيه ... مع العلم انى انا الىل كنت بساعده فى المزاكرة .. و انا اللى رضيت اخد مع مدرس مبفهمش منه حاجة .. معاه عشان يرضى يديله فى بيته ..

الللى يفرس .. انه صاحبى من 11 سنة ... ايه رأيك بقى .. و الكلام ده فى اليومين دول ... بزمتك عندك كلمة .. اكتر من حسبى الله و نعمة الوكيل ؟؟؟

لك انت الحكم

اوبااااااا..

الموضوع ده جايلك ع الجرح يا معلم ..

بجد و الله مقدر موقفك .. يااااااااااااه صحبك من 11 سنة و يعمل كده ؟؟

و نعم الاخلاص..

بجد حسبي الله و نعم الوكيل فى كل واحد يعمل كده و يبيع صحبه أو حبيبه ..


مش عارف أقولك ايه يا أمجــد و الله .. كويس ان البنت دي عارفاك كويس و مصدقتش صحبك ده اللى مفروض مقولش عليه صاحبك ..

الموقف بتاعك ده من أندل المواقف اللى شوفتها فى حياتي

بجد حسبي الله و نعم الوكيل
مش هقدر أقول غير اللى انت قولته ..



نوررت بجد و ربنا معاااااااااااااااااااااااااك ^^