08-04-2011, 07:45 PM
|
عضو لامع
|
|
تاريخ التسجيل: Jun 2008
المشاركات: 15,375
معدل تقييم المستوى: 31
|
|
عندي مواقف كتيرة جدااااااااااا وكلها غريبة اووووووووي
هقول واحد بس منها
بعد سنتين من تخرجي , كنت في مدرسة اعدادي وأثناء الفسحة لقيت مدرس بينادي عليا ويقولي فيه تليفون علشانك ( طبعاً التليفون موجود في مكتب المدير ) واستغربت مين اللي هيطلبني في المدرسة ؟ ولما دخلت حجرة المدير , سألت مين اللي عايزني , رد المدير والمدرسين الموجودين في المكتب وكلهم قالوا ( خطيبتك ) وازاي تخطب من غير ما تقول لنا أو تعزمنا !
أنا افتكرتهم بيهزروا , لكن لقيتهم بيتكلموا بجد , روحت راسم ( 111 ) يعني مكشر خالص ومسكت التليفون , والغريبة انها عرفت صوتي وقالتلي انت مش عايز تكلمني ليه ؟ قلتلها انتي مين ؟ قالتلي أنا خطيبتك ... ايه نسيتني بالسرعة دي ؟
رديت وقلتلها خطيبة مين يا ................. ( كل واحد يكمل زي ما يعجبه )
والأغرب من كدا انها اتصلت في البيت ولما يسألوها نقوله مين ؟ بردوا تقول انها خطيبتي
شكراً علي هذا الموضوع .
تقبل مروري .
__________________
لقد أسمعت لو ناديت حياً ... ولكن لا حياة لمن تنادي !!
مغلق حتي يقضي الله أمراً كان مفعولاً.
|