[LoOoLy El Treikawya]

المشاركة الأصلية كتبت بواسطة ahmed 3030

بيتهيألي مفيش حد اتعرض ل حصل معايا
سجلت في المنتدي في اكتوبر الماضي وكنت عضو نشيط جدااااا
وف ليلة واحد دخل المنتدي وشتم ولعن ف الاعضاء وف الادارة
وعملت فيها ابو زيد الهلالي واتصديت له
وتاني يوم الصبح جيت ادخل المنتدي لقيت عضويتي موقوفة
السبب ايه؟ مشاركات مخالفة مع الاعضاء
دعكت عنيا كويس يمكن اكون لسه مفقتش م النوم
عملت عضويتي دي وقلت اشوف ايه الحكاية
وعاديكم ع ال حصلي لغاية ما عضويتي رجعت
اتكلمت بهدووووووووء مفيش حد بيرد عليا
اترجيت الادارة ان حد يرد عليا بردوا طناش
صوت وزعقت بردوا مفيش فايدة
ولما ف الاخر ردوا عليا كان واضح انهم مش عارفين شغلهم
ولا بيقدروا الاعضاء وحتي الاعتذار كان باهت ودبلوماسي
وكأن ال حصل معايا كان حاجة بسيطة ومفيش مشكلة
الروابط دي بتوضح شوية م ال حصل
http://www.thanwya.com/vb/showthread.php?t=262765
http://www.thanwya.com/vb/showthread.php?t=262807
http://www.thanwya.com/vb/showthread.php?t=262572
http://www.thanwya.com/vb/showthread.php?t=262829
تخيلوا لما اقعد من الساعة 7 صباحا لحد 10 مساء
لغاية ما العضوية ترجع ليا تاني وبعت لاكتر من اداري هنا
اسأله ان كان هو ال وقف عضويتي ولا حد غيره وكلهم
طبعا انكروا ان حد فيهم وقف عضويتي ومفيش حد عارف
مين ال وقفها دا كلام حد يصدقه؟ استخفاف بعقول
الاعضاء واستهتار بمقدار الخطأ الناتج من الادارة
طلبت بصورة واضحة يتعمل اعتذار من الادارة ليا في القسم العام
عشان كل الاعضاء تعرف الحقيقة لكن انا طلبت المستحيل بعينه
عايز الادارة تعمل لك انت اعتذار ليه هو انت فاكر نفسك مين؟
احنا الادارة نعمل ال عايزينه ومحدش له عندنا حاجة تحمد ربنا
وتبوس ايدك وش وضهر ان عضويتك رجعت وانسي يا مرسي
بعدها فكرت ف العضو ال كان داخل يشتم ف الادارة وقلت لنفسي
اكيد شاف الويل والطناش وكل انواع الظلم من الادارة
انا عارف ان كلامي تقيل علي قلب الادارة وممكن جدا يخليهم يوقفوا عضويتي
بس انا ميهمنيش انا نفسي اتسدت عن المنتدي من ساعتها
انتوا فاكرين ان الادارة هتعبر موضوعكم ده ويردوا عليكم بالحقيقة؟
عمركم شفتوا حد من الادارة اتوقفت عضويته او اخد مخالفة؟
عمر حد فيكم اشتكي واحد من الادارة واخد حقه منه؟
عمركم شفتوا عضوة تتعرض لمشكلة تقوم الادارة تعينها مشرفة ارضاء لها؟
هي دي طريقة تعيين المشرفين؟ دي ادارة عندها وعي في القرارات؟
عارفين لو المدرسين ال في الاقسام التعليمية سابت المنتدي
هتلاقوا المنتدي ده في الباي الباي
وهو ده سبب استمرار المنتدي مع الادارة الحالية
طبعا الادارة هتجري علي مشاركتي دي وتقوم بالواجب
مش مهم المهم اني اقول الحقيقة وف وش الادارة كلها

حضرتك فعلا ليك حق تضايق .. مفروض الادارة توقف الاعضاء اللى فعلا تستاهل تتوقف بس لان لو حد معملش حاجة واتوقف اكيد هيضايق كتير دة غير ان منظره مش هيبقى كويس قدام الاعضاء رغم انه معملش حاجة

مش عارف الاعضاء خايفة من ايه؟ تستاهلوا كل حاجة تعملها الادارة معاكم
وكمان مفيش شكرا ع الموضوع
فين رأي اصحاب الموضوع؟ ولا انتم كمان خايفين؟
سديتوا نفسي ع الصبح

بس انا بقى مش فاهمة لى حضرتك قلبت على اصحاب الموضوع ولى بس سدينا نفسك عالصبح .. حضرتك لو كنت قريت التوبيك بالليل كنا هنسد نفس حضرتك عالمسا .. احسن يعنى لكن اول اليوم تتسد النفس مش حلو

أولا احنا مش خايفين وادينا بنناقش كل حاجة بتزعلنا فى حدود الذوء والاحترام .. مش لازم نتخانق ونغلط عشان نكون شجاعين
ثانيا الادارة مش عملتلى حاجة انا شخصيا عشان استاهلها
ثالثا شكرا لحضرك على المرور