[ostazmath4m]

المشاركة الأصلية كتبت بواسطة نقاء الروح

ههههه مواقفكم جميلة جدا

بس موقف حبيبة فكرني بموقف مشابه ليا
وبردو كان فالسعودية
كنا طالعين عمرة بس كنا اربع اسر مع بعض
المهم وصلنا وكان خطيب وحدة معانا مستنينا
فمكة وحاجز الفندق ومظبط الامور
المهم فأول يوم روحنا الحرم وعادي رجعنا
تاني يوم بئا الخطيب دا كان بيكلم بابا وبيقولوا
انت بتروحوا ازاي الحرم وكدا ، بابا وصفلوا الطريق
فراح قايل لالالا دا كدا طريق طويل وفيه اقصر منو
ووصف الطريق ، وحنا راجعين بالليل بعد الصلاة
بابا حب يجرب الطريق القصير وياريته ماجرب
توهنا ومش عرفنا لا نرجع الحرم ولا نرجع الفندق
وفضلنا كدا لحد قرب الفجر ونسأل بردو ماعرفناش
فالاخر الحمدلله ربنا انقذنا ولقينا نفسنا قدام الفندق
كنا خلاص شويتين ونوقع من التعب
بس كنت طول مانا ماشية فالطريق ادعي على الاخ ال الفوق
بس الحمدلله وصلنا فالاخر

فيه موقف تاني حصل فنفس الرحلة

هبقى اجي واكتبه مرة تانية

ههههههههههههههههههههههههههههههه
وده بيأكد اقتناعي بكلمه اعرفها من زمان
ان اللي نعرفه احسن من اللي مانعرفهوش
كويس انكم عرفتونش ان اللي بيروح السعودية يعمل عمرة ولا حاجه لازم يتوه عشان لو ربنا كتبهالي اعمل حسابي واجيب دليل او مرشد،،، تقبلي تحياتي

المشاركة الأصلية كتبت بواسطة نقاء الروح

فعلا يابنتي حاجة صعبة

بس مواقف حلوة وبنفتكرها للان ونضحك
احكيلكو الموقف تاني بئا
لانه كان بعد الاولاني علطول

فاليوم التاني الناس الكبيرة ( الاباء والامهات )
حبوا يعملوا عمرة تاني وال يعمل عن باباه او مامته او قريبه
المهم سابونا احنا العيال فالفندق
اخواتي الشباب اكبر مني راحوا طالعين مع باقي الصبيان
وفضلت انا واختي الاصغر مني بس
انا كنت ساعتها فستة ابتدائي واختي فرابعة
المهم انا بحب النوووم خالص ونومي تقيل خااالص خااالص
اختي كل ماتشوفني رحت عالسرير تيجي تنزلني عشان مانمش
وتقولي انا بخاف خليكي معايا
وانا نفسي اناااااااااااام تعبانة ياجماعة
المهم قولتلها لالالا ماتخافيش تعالي نقعد عالسرير وافتح التلفزيون
ونتابعلنا برنامج عشان مانمش
قعدنا وفتحنا التلفزيون وسندت راسي على المخدة
وعينكم ماتشوفش الا النور غرقت فنوم عمييق
اختي تهزني مافيش تشيلني مافيش تزعق مافيش
تعيط مافيش ، انفصلت عن العالم الخارجي
وياعيني اختي قطعت نفسها من العياط عشان خايفة
والعجيب اني ماحستش باي حاجة خااالص
دا اتحكالي بعدين بعد ماصحيت
واختي مش قادرة تتحرك لا يمين ولا شمال
واخواتي ماسئلوش عشان مطمنين اني موجودة
واخيرا بابا وماما وصلوا وانصعقوا من منظر اختي البشع
ومنظري الابشع
ويُقال ان تمت محاولة لايقاظي بس بائت بالفشل
صحيت الصبح وبدور على اختي لقيت ماما مستنياني
وبلاش اكمل احسن
ال زعلني بئا انهم جابوا لاختي عروسة لعبة عشان الموضوع دا
وانا ماجبوليش
لا وكمان اختي بئت تتفق مع البنات ال معانا انها اول ما بابا ومااما ينزلوا
هنيجي عندهم نسلي بعض
عشان مانمش منها زي المرة الاولى
وبقيت غصب عني افضل صاحية لحد ماهما ييجوا

الموقف دا كل مانفتكره يقعدوا يضحكوا عليا وعلى اختي
ومنظرنا التحفة فاليوم دا

ومعلش طولت عليكو

هههههههههههههههههههههههههههههههههههه
صح النووووووووووووووووووم
النوم الخفيف بينفع في المواقف دي خصوصا لو كنا
لوحدنا في البيت وحصلت حاجه غريبه مثلا نبقي
علي دراية بيها بسرعه لاتكون حاجه جامده لا قدر الله
مسكينه اختك استحملت كتير في صغرها المفروض تعوضيها
بهدية حلوة
تقبلي عظيم تحياتي وخالص تقديري وامتناني