[ostazmath4m]

المشاركة الأصلية كتبت بواسطة Mr. Ali 1

موضوع ظريف ومواقف مضحكة . بس هو الموضوع للمواقف المضحكة وبس ؟
يعني مفيش تشكيلة
أنا عندي تشكيلة من كل الانواع ( تتكتب في مجلدات لأني كنت شقي جداً جداً جداً )
من زمااااااااااااان وأنا في امتحان الثانوية العامة ( علي أيامي الثانوية كانت 3 فقط )
الدرج بتاعي في اللجنة كان الأخير وجنبي كرسي يقعد عليه الملاحظ .
بعد لما انتهيت من تسطير ورقة الاجابة وجيت أبص جنبي , بصيت وتنحت خالص .
اللي كان علي الكرسي واحدة ست ( تشبه نوال السعداوي ) ولما الملاحظة لقتني متنح لها , قالت ليا مالك ؟ فيه ايه ؟ بتبص عليا كدا ليه ؟ وانا بدون أي تردد شاورت لها علي دقني . ردت وقالت مش فاهمة . قلتلها محلقتيش دقنك الصبح قبل ما تيجي اللجنة ليه ؟ أمواس الحلاقة خلصت ؟ ( دقنها كانت واضحة جداً وأطول من دقني )
طبعاً وشها ضرب ألوان الطيف كلها . قعدت تزعق وتقول خليك في الامتحان ومش عايزة اسمعك بتتكلم خالص . انا مسكتش ورحت مزعق أنا كمان لحد ما مراقب الدور دخل اللجنة وسأل فيه ايه ؟ قلت ينفع تقعد تحل في امتحان ثانوية عامة وتلاقي واحدة قاعدة جنبك ودقنها بالطول دا ؟ المراقب قرب مني وطبعاً هي جنبي وبص عليها وتنح هو كمان . هي قالت له ايه يا أستاذ فيه ايه ؟ انتبه لنفسه وقالي طيب بص في ورقة اجابتك وجاوب . وأنا صممت انها متقعدش جنبي خالص وان اعصابي كدا مش هتستحمل . وفعلاً المراقب طلب منها انها تقعد في مكان تاني . وبعد ما الامتحان خلص وانا بديها ورقة الاجابة قلتلها يا ريت بكرة متنسيش وتحلقي دقنك وشين علي الأقل

هههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههه
لالالا بجد بجد اجمد موقف شفته حتي الان مع تقديري لجميع مواقف
احبابنا الاعضاء الاكثر من رائعه هي الاخري ايه الحلاوة دي يا مستر علي حضرتك كنت مفتري
وانت صغير انا ماتخيلتش ان في طالب ممكن يطلع منه كده
ده حضرتك احرجتها مش مرة واحده يانهار ابيض وكمان بتصر علي احراجها
لما جه المراقب ومرة كمان وانت بتسلم ورقتك
انا مش قادر امسك نفسي من كتر الضحك والله.. دي حرمت تطلع ملاحظه تاني
ههههههههههههههههههههههههههههههه
امتعتنا والله بارك الله فيك وحفظك من السوء اللهم امين
لاحرمنا الله من مشاركاتك ،، تقبل عظيم تحياتي وامتناني وجل شكري
وخالص اعتزازي