اقتباس:
المشاركة الأصلية كتبت بواسطة ostazmath4m
موقف تاني مؤثر برضو حصل من يومين
تحديدا يوم الاثنين 23/5/2011 المهم الموقف
حصل في لجنه الاعدادية ((عندنا في محافظة مطروح
الاعدادية شغاله دلوقتي وهتخلص بكرة الخميس26/5)) انا براقب
في مدرسة اعدادية بنات في احدي اللجان المهم في
اللجنه اللي جمبي سمعت صوت وطلعت ابص كده
لقيت طالبه فاقده للوعي تماما ومغمي عليها والمدرسات
بيحاولوا يفوقوا فيها لايمكن ولا هي هنا ومدرسة تمسك
ايديها وتحاول تدفيهم لانهم كانوا ساقعين جدا مفيش فايده
نحاول نطلب الاسعاف ولاحياة لمن تنادي اكتر من تلت ساعه
والاسعاف غير موجود وربنا كرمنا بواحد مدرس يعرف واحد
من المستشفي خلاهم يتصلوا بنفسهم بالاسعاف وفعلا
حصل وجم بتوع الاسعاف وقبل ماييجوا المدرسات يحاولوا
يوقفوا البنت دي عشان ينزلوها تحت الدور الارضي يدوب تقف
وترتمي ع الارض علطول لا حول ولا قوة الا بالله بجد كانت صعبانه
عليا اووووووي وكمان كانت عايزة تدخل اللجنه وتكمل الامتحان
بعد مافوقناها من الاغماءة الاولي وتصر علي كده وهي لا طاقه
لها تعمل اي شئ بس الاسعاف جه واخدها ورجعت الحمد لله
للجنه من جديد تقريبا ماعداش نص ساعه علي خروجها ودخلت
اللجنه وكملت ولما سالت الاستاذه قالت هي شاطرة وكانت حلت
اكتر من نص الامتحان قبل ماتمشي .... ربنا ما يكتبها علي اي بنوته
من طالباتنا بجد موقف لا تحسد عليه ... معلش نكدت عليكم،، تحياتي
|
فعلا موقف صعب وبيتكرر كتير .. والمحزن ان فى بنات شاطرة بتقل فى الدرجات
بسبب شئ عارض زى ده .. موقف ربنا يحفظ الجميع منه ويوفقهم ..