اللـــــى بيجى يــــــاأهلى علينا
طبعا جــــاهـــل مــــابيقــراش
بيقــول فينــا كــلام مش فينـــا
علشان يعلــــى ومـــــابيعلاش
واللــى بيعمل راسه بــراسنـــا
علشان صادفت مـــــره نافسنا
اسم النبى مــــن عينه حارسنا
ان كــــان ولعه مــــايحرقناش
هما مــدارس واخـــده السمعه
وانت ياأهلى لوحدك جــــامعه
ح تجيب صـادق زى أبو لمعه
والموهــــــوب زى البكــــاش
بطل القـــرن يـــــاعقد المـاس
يـــــاللى ملكت قلــــوب الناس
فـــوق 100 قمه ودرع وكاس
حصوه ف عين اللى ماسماش
نـــادى ادارتـــه علـى الفرازه
ومفيش بينهم كــــوز ولا فازه
فــى البطولات بنحب الطـازه
فيــه سنه عــدت ولاجبنـــاش
راجـــع نفسك واعقل ياابيض
اوعــى تعدى الخط الأحمـــر
احنــا الأفضل احنـــــا الأكبر
واللــى سبقنــا لسه مــاجـاش