اقتباس:
المشاركة الأصلية كتبت بواسطة mariam allam
السلام عليكم
انا في تانيه ثانوي وان شاء الله ناوية على ألسن قسم كوري بس انا واخده فرنساوي لغة تانيه و
وطبعا الانجليزي لغة اولى ....
كنت حابه مساعدتكم واتمنى انكم تفيدوني واكيد ان شاء الله غيري هيستفيد
1. لازم اكون دارسه لغه كوريه في ثانوي او واخده كورسات في اللغه ؟؟
2. ايه اقل مجموع اقدر ادخل بيه ألسن ؟
3. انا دارسه فرنساوي كلغة تانيه لازم اكون جايبه فيها كام ؟؟
4. دراسه لغه زي لغه الكوري في ألسن كويسه فعلا وبنتخرج قادرين على الفهم والمحادثه بالكوري كويس ولا مفيش اهتمام باللغة دي ؟؟؟
اسفه طولت عليكم في الاسئله
|
1-لا طبعا مش لازم تكونى واخده كورى بس الدكاتره بما انهم كوريين فهما مش بيعرفوا عربى نهائى يعنى لازم الانجلش بتاعك يكون حلو لان الانجلش بتاعهم مكسر على الاخر ممكن تقولى متبهدل
2-اقل تنسيق نزل هو 92.5
3-الكورى بياخد من درجه الانجلش يعنى لازم تكونى جايبه 48 فى الانجلش وممكن التنسيق يتغير السنه دى
4- على حسب انتى يعنى انا اعرف واحده فى سنه رابعه ما شاء الله عليها بجد
نطقها تحفه
بالعكس فيه اهتمام بيها جدااااا متخافيش بس هو الشغل صعب شويه فيه
وربنا معاكى يارب وتدخلى كورى ان شاء الله
