اقتباس:
المشاركة الأصلية كتبت بواسطة البرنسيسة رودي
طيب معلش بعد اذنك : ايه احسن قسم ممكن ادخلو ومجالو ف الشغل يعنى احسن وكدة وانسب للبنات؟؟
ولو عايزة ابقى دكتورة تحاليل اعمل ايه بالظبط
و جزيت خيرااااااااا
|
هتدخلي قسم مزدوج بين الكيمياء الحيوي والميكروبيولوجي او قسم مزدوج بين الكيمياء والميكروبيولوجي او قسم مزدوج بين لكيمياء والحيوان او قسم كيمياءحيوي
فمثلا القسم المزدوج بين الكيمياء الحيوي والميكروبيولوجي وده موجود في حلوان و عين شمس
بعد ما بيدرس البيولوجي بيتخصص في الكيمياء الحيوي والميكروبيولوجي معا
فبعد دراسه للبيولوجي في اول سنتين
بيدرس بعد كده نص دراسته كيمياء حيوي
الكيمياء الحيوي يعني بيدرس الانزيمات و الفيتامينات والهرمونات والبروتينات والكيمياء العلاجية وبيركز علي كيمياء الجسم
زي كيمياء الدم زي انزيمات الكلي والكبد والقلب والهرمونات وكيمياء الاورام وكيمياء المناعه وكيمياء الاعصاب وكيمياء البول والييولوجيا الجزئيه وبيولوجيا السرطان وكل التحاليل الطبيه الكيميائيه
ونص دراسته الاخر ميكروبيولوجي
الميكروبيولوجي يعني بتدرس بكتريا وفطريات فيروسات وطحالب ومناعه وتركيباتهم وبتدرس البكتريا والفطريات والطحالب اللي بيتم استخدامها في الصناعه زي صناعه الادوية وبتدرس البكتريا والفطريات والفيروسات للي بتصيب الانسان والتحاليل الطبية الخاصه بهم سواء كانت في الدم او الجلد او البراز او البصاق او الشعر او العين
وبالتالي القسم ده
بيؤهلك انك تكوني كاخصائي تحاليل طبية
بعد ما بتاخد دبلومه او ماجستير في الكيمياء الحيوي او الميكربيولوجي او في الاتنين معا
او ممكن تشتغل في صناعه الادوية