انا مش عارف انتي علمي علوم ولا رياضة ولا أدبي
عامة انتي لازم يكون ليكي هدف واضح يعني عاوزة الكلية دي لانك عاوزة تبقي كذا
اصل اللي شايفه انك بتسالي عن كل الكليات والاقسام مش عاوزة حاجة محددة
ادي نبذة كده مختصرة
كلية الطب : التخصصات بعد التخرج بتكون باطنة - جراحة - نساء وتوليد - رمد - انف واذن - تخدير - اطفال - اشعة - تجميل ...الخ
كلية طب اسنان : طبعا دكتور فم واسنان
كلية الصيدلة : صيدلي لاما يركب ادوية لاما يبقى صيدلي في صيدلية عادي وده تقريبا حسب الكلية ودراسته
طب بيطري : دكتور بيطري
كلية علاج طبيعي : مش عارف بالظبط التخصصات اللي فيها لكن عامة هو متخصص في العلاجات الطبيعية زي التخسيس بالجلسات و جلسات العلاج بعد الكسور وكده
كلية الهندسة : بيتحدد من تاني سنة في الكلية لاما مهندس مدني او عمارة او باور (كهربا) وفيه برده ميكاترونيك (هندسة القاهرة فيها تخصصات تاني زي هندسة نووية)
كلية العلوم : ودي أم الكليات العلمية لأن تخصصاتها واقسامها كتير
فيه علوم بيولوجي (أحياء) - فيزياء - كيمياء -جيولوجيا(الصخور والتربة)- رياضيات - فيزياء - نبات - حيوان
(علوم القاهرة فيها اقسام تانية زيادة)
الخريج لاما يتعين معيد ويبقى محاضر (في حالة مجموعه التراكمي لسنواته في الكلية عالي )
لاما يطلع مدرس لو متعينش في الكلية
لاما لو واحد نابغ يبقى عااالم وده بيظهر اثناء سنوات دراسته نلاقيه يبدع ويبتكر فالكلية بتحط عينها عليه
فيه وظائف تانية بتكون حسب الاقسام يعني ممكن خريج جيولوجيا يشتغل في مجال البترول (بس مش دايما)
وكده يعني حسب القسم
كلية سياسة واقتصاد : وخريجها بيكون لاما سفير (مش اي حد بيتاخد) لاما ملحق ثقافي لاما دبلوماسي لاما سياسي
كليىةتربية : اللي اعرفه فيه شعبة لغة عربية - انجليزية - فرنسية - رياضيات - احياء- فيزياء- كيمياء (بس مواد العلوم دي بتدرس بالعربي مش زي كلية علوم)مش عارف ان كان فيه فلسفة وتاريخ ولا لأ وكده
يعني التخصصات بتاعة المدرسين
ويشتغل مدرس - مالم يتعين في الكلية ويبقى محاضر
كلية الآداب : صحافة واعلام - تاريخ - فلسفة- علم اجتماع- مكتبات - عربي - انجليزي - فرنسي - لغات شرقية زي فارسي وتركي
طيعا مواد اللغات في آداب أقوى من تربية
كلية الحقوق : اقسامها قانون مدني - قسم الشريعة - القانون الجنائي - القانون الدولي - قانون المرافعات
الشغل بصراحة مش عارف التدرج الوظيفي لكن اللي اعرفه فيه محامي - وكيل نيابة - قاضي - مستشار - رئيس محكمة
كلية الآثار : فيه قسم اثار اسلامية - قسم الآثار المصرية - قسم ترميم الآثار
كلية تجارة : يتخرج منها ليه مجالات واسعة في التجارة لاما البنوك لاما الشركات او التسويق والمبيعات لاما محاسب ولو كون ثروة يبقى رجل اعمال او مدير شركة وممكن مدير بنك
فيه كليات تربية نوعية وتربية رياضية
عموما الموضوع كبيييير
اسالي اللي اكبر منك واعرفي
وحددي هدف في حياتك
لأن الانسان اللي محدد هدف...هيشتغل ويتفوق بناء عليه
ربنا يوفقك