انا كنت نفسى ادخل حاسبات ومعلومات حكومى بس مجموعى ماسمحليش فحاولت الجا لحكاية الخاص دوت
اخذت ادور وابحث واسال ناس كتير لمدة اسبوعين قبل التنسيق على احسن المعاهد والكليات الخاصة Computer Science او حاسبات ومعلومات
لقيت كل المعاهد كويسة تقريبا لانها بتدرس نفس المواد الا اختلاف طفيف لا يذكر
بس بالنسبة لمستوى الدراسة والسمعة:-
1-المعهد التكنولوجى العالى بالعاشر من رمضان شعبة علوم الحاسب
(بس ده بيقولوا عليه صعب جدا وفيه 3 فصول دراسية واجازتك شهرين بس طوال السنة لكن بتطلع فاهم مجالك بجد لانه فيه ترم
صيفى كامل مخصص للتدريب ف الشركات بس انت لو اخذت كل حاجة اول باول هتعدى وبتقدير كمان)
وده انا كنت نفسى ادخله بس فرقت معاى على 0.2% والحمد لله على كل حال
2-اكاديمية اخبار اليوم ب 6 اكتوبر شعبة علوم الحاسب
وده بردو ممتاز ومواده نفس مواد العاشر
3-المعهد العالى للحاسبات وتكنولوجيا المعلومات بالشروق شعبة علوم حاسب
ده بردو كويس
وانا جاتلى اكاديمية اخبار اليوم علوم حاسب والحمد لله
ولو عايز تتاكد حضرتك ممكن تبحث عن التلاتة دول ف جوجل وشوف بنفسك
|