[زملكاوى للأبد]

أولا مبروك ليكى وقدر الله وماشاء فعل وإن شاء الله تكون الكليه المناسبه ليكى
ثانيا بالنسبه للمواد معظم المواد بتعتمد على الفهم ومن غير فهم مش هتحلى حاجه والمواد دى معاكى طول الأربع سنين فى الكليه يعنى مهما تغيرت السنه الدراسيه هتلاقى تقريبا 75% من المواد فهم والنسبه الباقيه حفظ وكل سنه مفيش غير ماده أو مادتين هما اللى بيعتمدوا اعتماد كلى على الحفظ أما بقية المواد اعتمادها زى الرياضه بالظبط فهم وتطبيق بس لو عايزه فعلا تجيبى إمتياز يبقى متضحيش بحاجه على حساب حاجه تانيه لأن برضه فى ناس بتفهم حلو أوى لكن تجى قدام الامتحان وتبقى فاهمه السؤال وكل حاجه لكن متقدرش تعبر بالإجابه
وأخيرا بالنسبه لرعاية الموهوبين أول ما تدخلى الكليه إن شاء الله فى مكان مخصص لاتحاد الطلبه ممكن تبقى تروحى هناك وتشتركى فى أى شىء موهوبه فيه ولو اتحاد محترم هيبقى هو أكتر واحد ممكن يساعدك فى موضوع المواهب ده
وعلى فكره أنا رديت بس بواقع اللى أعرفه لكن ممكن لو حدتانى برضه عنده معلومه ممكن يفيدك ولو عايزه رد الأستاذ فامبير ممكن تكتبيله فى التوبيك بتاعه فوق