تصدق بالله يا احمد انا الي وضحلي الموضوع الردود
انا عارف انت تقصد ايه
انت تقصد انا لو في مشكله معينه عشان احكم حكم يرضيني لازم اخرج نفسي من الموضوع واحكم عليا كاني مش انا
وفعلا دا بيساعد كتير بس بيساعد لو مثلا انا مكتئب او اي حاجه من دي
يعني انا مثلا لما بكون زعلان بأعد مع نفسي لوحدي واتكلم وارد عليا والله كاني واحد تاني وبقدر اني اهدي نفسي واعقلني
انما لو انا في مشكله مع شخص ما
مش هقدر اتعامل كاني خارج المشكله لان هنا مش هنقدر نشيل الطبيعه البشريه الي هي مفيش انسان بيشوف نفسه غلطان ولو في الانسان دا مش هيغلط نفسه ميه في الميه لازم هيكون منحاز لنفسه ولو شويه صغيره جدا جدا
الي عايز اقوله من الرغي دا كله ان المنهج الي بتقول عليه دا كويس جدا بس لما احل مشاكلي الخاصه الي مع نفسي (بس لو انا قدرت اتغلب علي الطبيعه البشريه)
انما ممكن انه مينفعش لو المشكله دي مع شخص غيري لان هنا صعب اوي اوي اوي انك تحكم علي نفسك دون تتدخل الطبيعه البشريه
بالنسبه لكلام محمد السادات
اقتباس:
|
بص يا أحمد بعيدً عن الفلسلفه
والكلام الكبير اللى إنت كاتبه ده
قال رسول الله صلى الله عليه وسلم
" تركت فيكم ما إن تمسكتم به لن تضلو بعدى أبداً كتاب الله وسنتى "
كام من بحث إستغرق مئات من السنين ومشقه ما بعدها مشقه وفى النهايه بيطلع إن القرآن متكلم عن النتيجه اللى توصل لها البحث منذ الأبد البعيد فحالياً إحنا لنا دور واحد فى هذه الأرض هو تعميرها وعباده ربنا سبحانه وتعالى ما التعمق فى عباده الله وفهم القرآن الكريم صحيحاً سوف تصل لدرجه من العلم تغنيك عن هذه الزوبعه الفكريه فى موضوعك الحل فى قراءه القرآن وفهمه
مش فى الشتيت الفكرى
|
ونعم بالله
بس انت ناسي يا محمد ان ربنا امرنا اصلا اننا نتامل
هضربلك مثال
لو سيدنا ابراهيم متاملش الشمس والنجوم تفتكر كان ربنا هيهديه بعيدنا عن ان ربنا كدا كدا مختاره
بس لو السبب دا مكنش حصل مش كان سيدنا ابراهيم كان هيبقي زيه زي اي حد من قومه
وعلي فكره التشتيت الفكري دا من اهم عوامل ايمان الشيوخ العظام
يعني ممكن واحد يكون ملحد ولو فكر شويه هيؤمن بالله
ولو واحد مسلم وفكر شويه وتامل هيزداد ايمانه
ومعاك ان ممكن يحصل العكس واحد يفكر شويه بطريقه غلط ويكفر بتحصل احيانا
وهنا بقي دور الدين لان ربنا حاططلك ثوابت ويقينيات مش محتاجه تفكير ولو فكرت فيها مش بعيد تكفر او تتجنن
بس الموضوع جميل يا ابو حميد ومنهجك جميل برضو
ويارب اكون فهمته اصلا ويطلع كلامي صح:D
تقبل مروري يا ريس:D