السلام عليكم ورحمة الله وبركاته
اولا بالنسبة للمواد
انتو بتتقسمو جروبين كباااااااااااااااااااار على حسب الترتيب الابجدى
جروب ا و ب
كلكم هتدرسو خمس مواد زى بعض اللى هما
رياضيات وفيزياء وميكانيكا وحاسبات ورسم
لكن فى اربع مواد تانيه كل جروب بياخد مادتين وبيرجع الترم التانى يبدل وياخد المادتين التانيبن
يعنى ببساطه مثلا جرووب ا هياخد الترم الاول كيمياء وماده اسمها تكنكال ماده انجليزى بس دى الذ ماده فى هندسه كلها وهتعجبكم اوى
وجروب ب هياخد انسانيات وهندسه انتاج
والترم التانى كل جروب هيبدل ويدرس العكس
يبقى كلو كده سبع مواااااااااد
ماشى
فى بقا مواد ممتده ومواد لا
الممتده زى الفيزياء والرياضه والميكانيكا
ممتده يعنى ايه
يعنى هتدرسوها الترمين بس فى فرق
انكم هتمتحنو ترم اول وتمتحنو ترم تانى فيها والترمين بيشيلو بعض يعنى لو لا قدر الله نزلت فى ماده منهه الترم الاول ممكن الترم التانى يشيلها لو شديت حيلك فيها او ك بس احنا مش عايزين كده
احنا عايزين امتيااااااااز من الاول ماشى
اما بالنسبه لماده الرسم والحاسبات هتدرسوهم الترم الاول والتانى ومش هتمتحنو الا الترم التانى بس طبعا هيبقى فيها ميدتيرم وكويزات وهبقى اشرحلكم كل حاجه بعدين كل ماده لوحدها ماشى
اما بالنسبه للمذاكره كل ماده هقولهالكم على حده بس الاول هتكلم عموما
انتو تذاكروووو منينين
المحاضرات ثم المحاضرات ثم المحاضرااااااااات
.الكتب غالبا مش هتحتاجوها الا الرسم والحاسبااااااات وكتب المعامل بتاعة الفيزيا والورش وكده بس ام الكتب الاساسيه اظن مالهاش لازمه اووووووووى
ماشى يبقى هتذاكرو من المحاضراااااااااااات
بس اول ما هتروحو الكليه هتتوهو من كتر الورق والملازم والمكتبات
لالالالالا
انا اقولكم المفيد وهتعملو ايه بالضبط معايا
هتلاقو مطبعه جوه الكليه انصحكم بالش مذكراتها ملهاش لازمه
انتو بس هتحتاجوه لما الدكاتره ينزلو الشيتات والحاجات دى
اما بره فى مووووول قريب من الكليه فى مكتبتين
مكتبه سبيد) speed)
وكتبه افندينا) )
بيعملو ملازم لكل المواد بس زى ما قلتلكم
انت هتذاكرو من المحاضرات
ما تعملوش زيى اشتريت افندينا وسيبد والكتب وكتبت محاضارت ههههههه وفى الاخر كنت فاكرها نصاحه
لكن الحقيقه ما كنتش بلحق اخلص مذاكره بالاسسلووووووووب ده هه يسلا خيييييييير
نصيحه اخويه هتكتبو المحاضارت وتذاكروها
وبعدين تجيبوا المذكرات دى بس ما تذاكروهاااااش
انتو بعد ما تذاكرو المحاضرات عهتلاقو فى الملازم دى امثله كتيييييييييييييييييير محلوله تحلوهابايديكم
بس وهتجيوا امتياز بس زى ما قلت المحاضارت يعنى المحاضارت يعنى المحاضرات ماشى ههههههههه زهقتوا انتو معلش خلاص هانت
ندخل بقا على المواد ماده ماده
اولا الرياضيات
انا كنت بجيب سبيد فى الرياضيات وهى كويسه
حان قولنا علشن تحلو مسائل محلوله بس ماشى
كان بيدينا دكتوره مره محترمه جداااا وجيبه جدا وكويسه
ودكتوره شهوار بدرو كانت بتدى الجروب التانى
وهتدرسو فى الرياضه الترم الاول تفاضل وجبر
والتانى هندسه تحليله وتكامل وجزء فراغيه بسسسسسسيط
الماده دى من 325
الفيزياء
سبيد بردو
بس بذات الفيزياء اللى مش هيذاكرها من المحاضرات هيندم ندم السنين دى بقا اللى لازم المحاضرات فيها
والملازم علشان تحلو بس
يعنى ممكن الرياضه تذاكروها من الملازم لانها شويه قوانين
بس الفيزيااااااااااااا لا لن اتنازل عن المحاضرات هههههه
وهيديكم الترم الاول د احمد صادق اطيب واحسن دكتور فى الكليه والكل بييحبوا اوى
ودكتور برهام عسول وبيصاحب الطليه وبيهظر فى المحاضره كتييييييييير
او دكتور مدحت المسيرى بيقولو عالم الكليه
راجل دماغه كبيره ومحترم جداااااااا ومحاضرته دسمه
والترم التانى ممكن يجيلكم دكتوره منال عوض معاهم
دكتوره ززى العسل بردو وبتهظر وبتحب الطليه اوووووووى وهى بتدى الترم التانى الجزى بتاع الحراريه
انتو اصلا هتدرسو فى الترم الاول جزئين جزء بتاع دكتور برهام اللى هو بتاع الموائع واللزوجه وده و وهتاخدو الجزء بتاع الكهربيه
اما الترم التانى هتاخدو حراريه ومغناطيسيه
الماده دى من 300
ندخل بقا على المكيانيكا
بيديها دكتور زكريا دكتور زى العسل وكويس جداااااااا
ودكتور خالد فصيح بردو محترم داااااااااااا
ودكتور هلااااااااااال ده بقا البوص بتاع الميكانيكا
الميكنيكا جزئين الترم الاول استاتيكا
والترم التانى ديناميكا والمداه دى بالنسبالى كانت لذيذه وبالنسبالكم ان شاء الله
زى ما قولنا بردو المحاضرات ثم المحاضرات ثم النحاضرات
وبعدين تجيبوا الملازم تحلو بس منها المذاكره من المحاضارت ما تستهونوش بيها ماشى
بس هنا افضل بقا
ملازم افندينا
امثلتها كويسه فى الديناميكا
الماده دى من 225
ندخل بقا على مادة
الحاسبااااااااااات
الناس كانت بتقلق منها اوى بس هى لذيذه هتدرسو برمجه c++
بس هتعمقو فيها من الترم لتانى
ودى هتكتب ورا الدكتور فى المحاضره فى الكتاب وفورق بره
وانصحكم تحضرو مع دكتور ايهاب
اانتو هتخافو منه فى الاول لانه بيزعق على طول وبيهزء على طوووووووول وعصبى جداااااا
بس فى اخر السنه عرفنا ان هو الصح وبيعمل كل ده فى مصلحه الطالب وبيخاف على الطليه جدا علشان كده بيهزئهم اسمعو كلامو فى كل حاجه
بس بره المحاضره بيبقى اناسسسسسن تانى خالص هادى وبيكلمك كانك دكتور معاه مش طالب هههههههه
نصيحه دكور ايهاب ما يخجش من ايديكم
الماده دى من 100
ندخل على
الرسم
ماده لذيذه انتو هتلقاوها غريبه وصعبه عليكم فىالاول بس هى هتبقى سهله خالص بعد كده
ماده من 350 درجه ركزوووووا عليها اعلى ماده
هتحضروا محاضرات وتنزلو تطبقوا اللى فهمتوه فى المحاضرات تحت فى صالات الرسم وهيدكو الماده دكتور اسامه بوص هتفهمو منه جدااااا
وادوات الرسم هى مسطره 80 سم
واستيكه كويسه ( محايه يعنى للخلايجه ههههه
واقلام سنون .5 و .7 مم روترنج يبقى احسن بتعيش
وفوطه صفره من بتاعة السواقين دى هههه علشان تنضفو بيها اللوحه بعد ما بتمسحو حاجه هههههههه
ومثلثات طقم مثلثات هما مثلثين يعنى واحد ستينى تلاتينى وواحد 45
اسمه كده علشان ده زواياه 45 والتانى زواياه 60 و 30 بس
وبرجل واحد واللى عايز بقا يعيش يجيب طقم براجل ههههههه
بس هو برجلل واحد زى الفل ووفر يا عم دنتا لسه هتدفع فلوووووووووس كتير فى هندسه هه
ندخل على هندسه الانتاج
هيدكم الماده دكتور الحبااااااك
هو هادى جدا فى المحاضره ومحترم بردو بس هدوءه ده محتاجين تسكتور خالص علشان تسمعوه فى المحاضهر ولو سمع دبانه بتتنفس بيتنرفز جداااااااااااااا
وبيشرح على البروجيكتور وانتو لازم تكتبو وراه كل حاجه
من على البروجيكتور اتصرفو بقا هههههههههه وهو الامتحان من اللى بيشرحه طبعا على البروجيكتور
والماده دى فيها جزء عملى بتنزلو الورش 8 اسابيع كده تلبسو البالطو الابيض وتنزلو بقا لحام وسباكه وماكينات خراطه وشغل لذيذ
وطبعا ما تنسوش تشترو البالطو الابيض
ندخل على الكيمياااااااء
المداه دى لذيذ وسهله
مش كيميا بتاع ثانوى ولا كيميا بتاعة كليه علوم لا
احنا مهندسين
بندرس ماده اسمها كيميااااااااااء هندسيه
والمعمل بتاعها لذيذ وهتعملو محاليل وتلعبو للصبح هههههههه
هتدرسلكم الماده دى دكتوره شاكيناااااز دكتوره محترمه جدا وبتحب الطليه جدااااااااااااااااااا
ودكتوره هانم بردو دكتوره دمها خفيف وجميله كده هههههههه
وهنا اصلا ما تشتروووووووووووووووووش اى ملازم
هى بتجيب من المحاضرات والسكاشن بالنص حتى لو كلام انتو متخيلينو تافه بيجيى
هى بتيجبو عند فى الناس اللى بتشترى ملازم علشان يذاكرو ويحضرو المحاضره
المحاضره تساوى امتياز والمداه دى جايب فيه انا كمان امتيااز كبيييييييير
هه
وهتحتاجو بردو البالطو الابيض لمعمل
والماده دى 100 درجه
ماده الانسانيات
مالهاش كتبا او منهج محدد
بس الدكتور المسول عنها وبيحط الامتحان هو دكتور سمير ابو هديمه هتحبوووووووووووه اوى
الماده هى ان هييلكم من ك قسم او تنين دكتور يتكلم عن القسم بتاعه وهتمتحنوا فى الكلام اللى هو هييقوولو يعنى لو قالكم مدنى بتدرس ماده كذا وكاذا او سنه كذا ده هتمتحنوا فى
كلام سهلا خاالص بس هى الماده علشان تستفيدو منها فى انكم تعرفو عن الاقسام
اما المحاضرتين بتوع دكتور ابو هديمه هما تنيمه بشريه
هيكلمكم عن العادات السبع للاشخاص الاكثر فعاليه لذذذذذذذذذذذذيذ وبعد المحاضره ان ا شاتريت الكتاب ده هههههههههههه
والماده دى عليها 50 درجه بس
نيجى بقى لماده التكنكال
دى انجليزى بس انجلزيى مختلف هتديهولكم البشمهندسه ساره ماده لذيذه بتتكلم عن ال communication skills وازاى تتتعامل مع الناس ومع المدير بتعك والشغل وازاى تعمل سى فى
بص هتلاقيك اناس تانى بعد المناده دى
وهتعملو فى الاخر مشروع عباره عن هتختارو موضوع هندسى وتتكلمو عنه جروب مع بعض كده وتعملو بريزينتيشن على الباور بوينت
ماده من 50
بس هى دى كل المواد
هنختم بس بجزأ لذيذ كده عن الدرجات
اى ماده انا قولتلكم درجاتها ماشى بس المواد الممتده اقسموها على اتنين علشان تعرفو الترم من كام
% وكل ماده منها 40
امتحان الفاينال% و60
الربعين فىاليمه دول جزء منهم على الكويزات ودى امتحانات صغيره كده مساله بتتحل فى عشر دقايق وسهله
وجز على الميد تيرم وده امتحانع فى نص الترم نفسه وبيقولوكم عليه
وجزء تانى على الحضور
وجزء على العملى فى المواد اللى فيها معامل
بس
يلا فى حفظ الله
منقول للأفاده
الموضوع الاصلى كتب بواسطة
عبد الرحمن العشيرى
جزاه الله كل خير
|