هل توافق على بدايه عام دراسى بلا معلمين؟؟؟
أنا معاكو في كل اللي بتقولوه وإنتوا عارفين كدة من البداية
لكن تيجي عند مصلحة الطلبة والتعدي على حقوقهم ولأ طبعا
هو عشان أخد حقي أتعدى على حقوق غيري إزاي ياجماعة الكلام ده
والتلاميذ ذنبهم إيه؟؟؟؟ حرام ومايرضيش ربنا
إنت كولي أمر ترضى بكدة لإبنك إبنك يرجع من المدرسة يقولك المعلمين ماإشتغلوش
رسالتنا ياجماعة اللي بنكافح من أجلها فين؟؟؟
الأطفال والتلاميذ اللي في رقبتنا دول ذنبهم إيه؟؟؟؟
الزميل اللي بيقول
اقتباس:
وافق بالثلث اشمعنا الاطباء اضربوا ومعملوش حساب للمرضى
وهل ده صح أو يرضى ربنا
تخيل حضرتك تكون مريض وهتموت وتروح للدكاترة يقولولك لأ أصل عاملين إضراب
أنا مش هأقولكوا غير زي ماقال الرسول عليه الصلاة والسلام للرجل اللي أراد أن يستأذنه في الزنا
أترضاه لنفسك
أترضاه لإبنك
أترضاه لأمك لأبوك لأهلك لمعارفك لأهلك
والله لو لمشرك لا يمكن أقبل المنظر ده إني أكون بموت يقولوا لأ عاملين إضرااااب لا يمكن
وكذلك التعليم برضه
ناخد حقنا بكل السبل وكل الطرق إلا مصلحة الأولاد ورسالتنا مانمسهاش أبدا
ده رأيي بمنتهى الصراحة
اقتباس:
|
بالنسبة للاستاذة ابرار معلش انا اسف هو انت تعتقد انا مهنة التدريس مهنة مقدسة طب ازاى هو حضرتك مش شايف حال المدرسين وهو لو المدرسين عملوا اضراب حد هيتاثر فعلا التعليم فى مصر الورق وبس للاسف وممكن تقول حضرتك التعليم فى الدروس وبس اما المدارس هى وقت للفسحة معلش شتان الفارق بين التعليم والطب لانه لا تعليم فى مصر مع انى والله العظيم مدرس واتمنى ان الحال يتغير بعد الثورة
|
مع إحترامي لكلام حضرتك طبعا ومؤكد فيه جانب كبير جدا من الصح
بس ده بالنسبة للمستويات العالية والمتوسطة
بس معلش حضرتك أغلب الناس في القرى والنجوع الناس اللي على قدها المسكينة الغلبانة الطبقات الفقيرة واللي تحت خط الفقر
حضرتك بتكون بالنسبالها مصدر المعلومة الأول والأخير
وربنا يصلح الحال
عارف حضرتك أنا مع الإضراب لو كان مثلا أول أسبوع في الدراسة بس أو حتى إتنين بحد أقصى كوسيلة للضغط
لكن يمتد ويكون مفتوح مالوش نهاية كدة لأ ده اللي أنا بأرفضه وبقول عليه لأ
والله المستعان
وربنا يصلح حالك يابلدي