[أ/رضا عطيه]

قرار

قررنا نحن المواطن الغلبان واللى فى الحر حران وفى البرد بردان

لانافعه معاه مراوح الصيف ولا حتى أجهزة التكييف (الخاصة بالغلابة)

قرر نا الأتى

لانتحدث عن الكبار وننهش فى عظام الصغار
وأنا لاهتكلم عن ممدوح حمزه ولاحتى شيكابلا وجمال حمزه
وبتقدم بثلاث اقتراحات

بعد أن تأكدت أجهزة الرصد الشعبيه فى مصر من سنين

اتضح أن المسئول قبل مايتولى المسئولية

كان شعلة نشاط وذو وجه باسم وودود وعطوف

وبعد أن يستلم مهامه ويدخل مكتبه

سبحان الله

تجده كسلان وذو وجه كاشر ويدخل المكتب مايخرجش منه مهما حد ث

إلا ومعه خطاب الاستغناء عن خدماته بعد عمر طويل

ولذلك أقترح

الاقتراح الأول
تعيين مهندس فى كل مكتب مسئول
ويكون مصرى مائه فى المائه ومن أبوين وجدين مصريين ولايقل سنه عن أربعين سنه

ونضيف على هذا الشرط ألا يتعدى سنه عن خمسين سنه حتى لايتأثر بالمسئول ويشاغله

ويكون عمله هو الكشف عن أجهزة التكييف بمكتب المسئول ويتأكد أنها صالحة وليست صنعت خصيصا لجلب النعاس والكسل للسيد المسئول

وأن يكون ابن بلد بجد - عندما يشعر بأن التكييف سيساعد المسئول على النوم يقوم فورا بفصله والحجج كتيره

الإقتراح الثانى

أن يكون مكتب السيد المسئول فى الدور الأرضى بجوار الأمن وشبابيكه واسعه ومن الزجاج الشفاف وعلى الشارع العام

حتى يستمتع المواطن بمشاهدة المسئول عنه كل يوم ويعرف يكلمه فى مشاكله ويبقوا كمان أهل و اصحاب

وكمان المواطن المصرى الغلبان كريم من يومه

يعنى لومروح وجايب لأولاده كيلو بلح ولابطيخه

مستحيل هيعدى من أمام مكتب السيد المسئول صديقه وحبيبه ومش هيعطيه بلحتين

الاقتراح الثالث

فى كل مصلحة حكوميه تدخلها فى مصر

تلاقى فيه حاجة اسمها خدمة المواطنين

تطلع عنيك على ماتخلص توقيع على طلب ولامصلحة فيها

ولاتكتشف وجود هذا المندوب السامى لخدمة المواطنين إلا للدفاع عن مدير أورئيس المصلحة

مع إنه من صميم عمله إنه يكون معايا كمواطن وليس مع رئيس العمل أو الموظف اللى ترك مقر عمله وراح يشرب شاى على القهوة

كلنا معلمون فياريت كل معلم يتذكر معى من هو المسئول عن خدمة المواطنين فى إدارته ويتتبع ماضيه

هتلاقى إن هما دول اللى كانوا بيعينوا من قبل الحزب الوطنى المنحل لتكون عيونهم فى كل مصلحة حكومية

أقترح إلغائها لأن بعد الثورة سيكون خدمة المواطنين من المسئول نفسه ورغم أنفه

وياريت يبدأوا بإدارتنا لأننا فى عز الصيف ومفيش ( شتا )

أنتظر الردو د والتعليقات ولو بالدعاء

لأنى داخل على منحنى خطير فى حياتى وربنا يلطف بعباده

بعد ماشلت المرارة مش عارف فيه إيه تانى رافض يكمل معايا

يلا الحمد لله والشكر لله