[أ/رضا عطيه]

المشاركة الأصلية كتبت بواسطة أ/ رضا الجوهرى

انتباااااااااااااااااااااااااااااااااه


قف انتباه واصنع لى حبل من الرمل
قف انتباه وبحبل الرمل اطلع هات لى بلح من النخله

قف انتباه وان جرحت أوحتى مت يبقى ده من عملك وإهمالك

قف انتباه وخللى أهلك يستعوضوك عند ربنا

قف انتباه وحقك مش علينا

لكن حق اللى ضربوك وأهانوك نشيله جوه فى عنينا

دول ولادنا وثوارنا ودول اللى قلبهم ع البلد وعلينا

والتار البايت عمرنا ماهنسيبه

ووراهم وراهم لحد مانهد القوة كلها ونعصرهم بإيدينا

وإن كانوا زهقوا يروحوا ورجالتنا جاهزين
وفى كل مكان مستعدين

وكل دول الدنيا اللى حوالينا بالحراسات الخاصة عايشين

اشمعنى احنا اللى مش راضيين

-------

فى محاكمة الداخلية - كل الأعضاء بلا استثناء متواجدين ومتحفزين وللكلمة طالبين

وفى مناقشة تلوث الميه اللى بيشربها الشعب - قول 30- بالكتير 50 هما دول اللى قاعدين ومستمرين

لاعتاولة الإخوان كملوا ولاحتى ولاد البلد السلفيين

هى أسعار الميه المعدنية كم الأيام دى ؟

وهى حلال ولاحرام ؟

من رأيى حرام

لمايشربوها النواب ولايكلفوا نفسهم يلزموا المسئولين يوفروا لغيرهم مياه تشفيهم مش تمرضهم
عرفتوا ثمن الشعب كام فى مجلسنا الموقر
----
خمس دقائق صمت من رئيس البرلمان وسط تأملاته الحادة والجادة لِمَ يحدث من نواب الشعب داخل مجلس الشعب
وضحت للغلابة و للعالم كله
إن فصل 1/1 بمدرستنا ملتزمين وجادين
أروح لمين وأقول يامين
وأعضاء مجلسنا الموقرين
على مناصبهم ومكاسبهم مرعوبين
وحال البلد ومصالح الناس وأمنهم
صبح ماله طعم وعندهم روتين فى روتين

من الحكمة أن تكون العلاقة بين مجلس الشعب والحكومة وخاصة فى هذه الأيام
أن تكون تعاونية لتقديم طوق النجاة لوطن يسقط وليس كما نرى وكأنها معركة حربية وتار بايت
والسؤال

أنا المواطن البسيط هكسب إيه من صراعكم هذا غير هَم فوق الهم ؟

جاتكم الهم اللى يشغلكم بنفسكم أكتر وأكتر حتى يكون مصيركم كمن سبقوكم

وأقول لكم قادر ربنا يريحنا منكم كلكم

هما يعنى السبعة اللى فازوا من بلدنا كانوا قاعدين حوالين السيد البدوى بيسألوا الناس ؟

ماعملوش حاجة غير تقديم العزاء فى الوفيات قبل الإنتخابات وحضور الأفراح التى تناسبهم بعدالفوز !

ماهم حيتان وكل واحد منهم بالمليارات شبعان

يبقى هيفكروا إزاى وإمتى فى الجعان ؟!!!!!!

والله ولابكل كتب السنه والقرأن
هيتغيروا وبينا هيشعروا مهما كان

والسلطان مهما كان بالتقى والحكمة مليان

فهو فى الأول وفى الأخر إنسان وللسلطة طمعان

صرنا

مواطنين بلا وطن

وأملين بلا امل

والتعالب فى كل المؤسسات شغالين

زى مافيهم ليبرالى صبح فيه كمان إسلامى

وبأوجاع الناس متاجرين وبالوجهه المرسومة للأتباع متوجهين

نداء أخير لأهل الخير

يامن كانت كل الأمال والأمانى فيكم فى المجلس والحكومة

بحق ماتملكون فى قلوبكم من فيض طهر القرأن الكريم وسنة رسوله الأمين

اتقوا الله فينا

فهذا ليس وقت التصفية وفتح كشوف الحسابات

دا حتى الحيوان الأخرس من القهر والإهمال مات
الرحمة يامؤمنين
وإلا ارحلوا جميعكم
فأحيانا اليتم والغرق يولد ملايين الأفكار والإبداع ليصنع طوق النجاة