[أ/رضا عطيه]

طعم المؤامرة

لو حد قال لك إن بلدك محاطة بالمؤامرات
إياك تصدق !
لوحد قال لك المية المالحة هتغرقنا والمية العذبة هتنقطع عنا
إياك تصدق !
لو حد قال لك إيطاليا وفرنسا وألمانيا فيها قوة إسلامية ممكن تكون لوبى ضغط على حكوماتهم
إياك تصدق !
لو حد قال لك أن ليبرمان فى 9/9/99زار كينيا وأوغندا وأثيوبيا وانهى كل شىء
إياك تصدق !
لوحد قال لك أن كينيا هتبنى 10سدود تخزين مياه بأموال أيطالية
إياك تصدق !
لوحد قال لك أن جنوب السودان صار ملعبا لكل أعدائك
إياك تصدق !
لوحد طلب منك من أجل بلدك تعمل رسالة للحكومة الإيطالية للضغط من الشباب المصرى عليهم
إياك تصدق !
لو حد قال لك إن نصف الشعب المصرى على وشك الجوع والعطش كمان
إياك تصدق !



صدق بس أبواسماعيل اللى هيطلعنا القمر تانى يوم من حكمه - لأنه رجل بركة
صدق بس مرسى اللى هيسقينا ميه معدنية ووجبة يومية من أفخم المطاعم الفرنسية
صدق بس الحريرى الكاره لشرف أعطاه الشعب له كنائب وطمعان فى المزيد

صدق بس عصام سلطان والذى وهب نفسه لخصخصة القوانين ليؤكد على شق الصف والمجتمع
صدق بس مؤذن البرلمان واللى شغال ليل ونهار من قناة لقناة يهين جيش بلده وقضائه


صدق بس الثائر المتفرغ وترك عمله للرد على الناس والتشكيك فى كل شىء



وأخيرا إياك تصدق إن التغيير قادم والكل بيتصارع داخليا وتناسى خارجيا

فأخطر قضايا الوطن لايدرى بها أحد (الميه)

لافى الماضى ولا فى الحاضر

وكله يحاول الأن الخروج ولو بقالب بعد خرابها

وأخيرا إياك تصدق كمان هذا الكلام


لأن المصدر (تخاريف )