رمضان بكره
هاى هاى هاى
الرؤية بانت رمضان بكرة والعيد بعد بكرة !
وكل ثورة وانتم طيبين
اللجنة الشرعية للإصلاح أعلنت استطلاع الرؤية منذ قليل واختارت القوى الأمين !
هو كم قوى أمين فى مصر ؟ وماهى المعايير والموازين ؟!
وليه اتجاهاتنا السياسية دايما بنجهزلها أيات من الدستور المبين !
الله يسامحكم يارفاق أحمد حرارة
فعلا مخبولين وفقعتوا لنا المرارة
ضيعت عنيك الاتنين علشان مين يامسكين؟
واحده للإخوان والتانية للسلفين ؟!
وتقوللى قمت بثورة
دى مؤامرة وألف مؤامرة
الثورة قامت علشان البلد تتحكم برؤياالملايين
واهى رست ف الأخر على حكم عشرة أو عشرين
والكل لازم يقول أمين واللى يتخلف عن ركبهم يبقى من الضالين !
وتقوللى قمت بثورة
دى مؤامرة وألف مؤامرة
حرارة أمام الشطارة صفر اليدين
ورايح تقف أدام السفارة يامسكين!
جاتكم الهم غلابة وعاملين فيها ثوريين
وباى باى أبو الفتوح وخالد على وحمدين
التورتة اتوزعت فى السحور واتحرم منها كالعادة المغفلين
وتقوللى قمت بثورة
دى مؤامرة وألف مؤامرة
كل ثورة وانتم طيبين
واهى رست فى الأخر على رأى المرشد وصحبه
يعنى (اتنين )
ودول يتفكوا بكم ياترى ؟
طبعا وع الأقل بعشرة ملايين
__________________
الحمد لله
|