[أ/رضا عطيه]

أه ياكذاب

لما الناس تطلع بالألاف لتأييد جيشهم
ويطلع عشرات من أتباع المحروس إياه
ويقول الأهالى والثوار ضد الوقفة
لازم نقول له
أه ياكذاب
لما كل ميادين مصر وقراها تتجمع فيها الناس لتأييد جيشهم
ولاقناة تنقل هذه الوقفات
ويخرج واحد ويقول الإعلام تابع للجيش
يبقى لازم نقول له أه ياكذاب
لما العلماء والبسطاء يجتمعوا لمساندة جيشهم
ويحجِّموا كل هذا التحرك فى دعوة عكاشة
يبقى لازم نقول له أه ياكذاب
فالعالم المصرى يسرى أبوشادى ورفاقه الملايين من الشرفاء
ليس لديهم من يأمرهم وينصحهم
فهم أهل العلم والوطنية التى لايزايد عليها مستغرب ويقول دى شغل عكاشه
يبقى لازم نقول له أه ياكذاب
لما يخترعوا كذبه ويقولوا إن عكاشه هو محرك الجماهير
ويجتمع مع بدين فى موقع المظاهرات الحاشده
أقول له أه ياكذاب
هو لو عكاشة مؤثر كدا على الناس كان وقع فى الانتخابات البرلمانية
إنما هى كدا شغل التعلبة والتربص بالوطن
اللى يحب جيشه يبقى فلول !
واللى يساند جيشه يبقى تبع عكاشه !
وماله عكاشه ياكذاب
هو الكذب وراثة ولاعدوى ؟

سؤال بوجهه للدكتور عكاشه وكل عكاشه وله تخصص
هو حب المواطن لجيشه حرام شرعا ؟
سؤال بوجهه لكل من سقطت منه أسمى المعانى وهى الولاء والإنتماء

سلمت مصر بأحتضان شعبها لأولادهم فى الجيش
وربنا دول فلذات أكبادنا وهيفضلوا مصدر رعب
لأعدائنا
ولوكره الأنانيون والمغيبون
ربنا يهدى