[شذى العطر]

شكرا على الرد يالؤلؤة

عمل بتي فور

وقت التحضير : 15 دقيقة
وقت الطهي : 15 دقيقة

المقادير:


500 جرام زبدة بدرجة حرارة الثلاجة
500 جرام سكر بودرة ( هو قايل 350 بس انا بأحبه مسكر)
1250 جرام دقيق
م ص فانيليا
بياض 8 بيضات
ذرة ملح


طريقة التحضير

1-تخفق الزبدة البارده الى ان تبيض وتصبح كالكريمه
ثم نضيف السكر ونستمر بالخفق وستصبح أكثر كريمية

2-ثم ننزل ببياض البيض على شكل سرسوب زى المايونيز كده مع الخفق المستمر وهتلاقى العجينه نفشت كده وبان عليها انها ناجحه وبقت بيضاء جدا

3-ثم ننزل بالفانيليا ونستمر فى الخفق وننزل بالدقيق المضاف له ذرة ملح مره واحده ونخفقه خفقه واحده بس

4-ونلم العجينه وهتكون ملزقه جدا ومش ماسكه نفسها هى لازم تبقى كده ما تقلقيش خالص بي انتى سيبيها تريح فى الثلاجه نص ساعه وطلعيها هتلاقيها جمدت

5-وابدأى شكلى البيتي فور

انا نقصت 100 جرام من الدقيق وقسمت العجينه دى ثلاث اقسام أول قسم اضفت له 33 جرام دقيق ابيض عادى وده البيتى فور الأبيض
وثانى جزء أضفت له 33 جرام من الكاكاو وده بقى الللى بالشيكولاته
وثالث جزء أضفت له 60 جرام من جوز الهند وده بقى بسكوت جوزهند رائع



ثم تدخل فرن ساخن علي درجة حرارة 150 لمدة 12 دقيقة

وده الشكل النهائى ..