[*تائبة فى رحاب الله*]

المشاركة الأصلية كتبت بواسطة المســ نور ــتقبل

الســـلام عليكم ورحمة الله وبركاتة

وعليكم السلام ورحمة الله وبركاته

فى البداية برحب بكم جميعا .... عاملين ايه .... يارب بخير ان شاء الله
فتحت هذه الموضوع من اجل التناقش حول الموضوعات العامة بالثانوية العامة

موضوعنا الاول : ازاي نقدر ننظم وقتنا فى الثانوية العامة بحيث يكون في وقت من المذاكرة والثقافة والعبادة والترفيه
ازاي نقدر ننتظم على جدول معين ازاي؟!

المذاكرة:طبعا كتب المدرسة كتب عقيمة فلو فى معلومة فى كتب المدرسة فتقدر تبحث عنها وتعرف اكتر وبكدة زدت ثقافة وكمان حاجة فدتك فى المذاكرة

موضوعنا الثاني : ايه رايك فى نظام الثانوية العامة سنة واحدة تفتكر انه افضل من نظام الثانوية السابق ولا ايه
عادى والله مش هتفرق بس افضل نظام السنة الواحدة
تفتكر الامتحانات هتجي سهلة فى النظام الجديد ولا كالمعتاد صعبة
زى اى امتحانات بتحتمل الصعب والسهل
تفتكر هترتفع النتائج بالنظام الجديد
مش عارفة على حسب الامتحانات
موضوعنا الثالت : ازاي اكون الاول على الجمهورية فى الثانوية العامة
اول حاجة:رضا ربنا متنساش الصلاة تبدأ يومك بصلاة الفجر وتقرأ بعدها الورد القرآنى ورضا الوادين
ثانيا : المذاكرة اول بأول وان الشخص يثق فى نفسه وميعقدش المواضيع الثانوية سنة زى اى سنة

تفتكر الاوائل فى السنوات السابقة كانوا بيذكروا ازاي علشان قدرو يطلعوا من الاوائل
اللى انا اعرفه ان تلات اربع اللى كانوا بيطلعوا الاوائل الامتحانات كانت بتروحلهم..!!
خلينا فى الربع الباقى اكيد كانوا بيعملوا الحاجات اللى فوق دى
موضوعنا الرابع : ازاي تعمل لنفسك شخصية فى مجتمعنا ازاي تقدر تخلي العالم كله يسمعك
تفتكر صعب علينا احنا علشان عمرنا اللي لم يتجاوز 18 سنة
احترام الذات واحترام الآخرين ومحاولة اثبات وجودك بافعالك ومجهودك اونك تحط فى دماغك انك عاوز تخش الكلية دى عشان كذا ...وتحط الهدف قدامك هتعمل كل حاجة عشان توصله فبجد الناس هتحترمك لانك بتسعى لهدفك

انتظر ردودكم حول موضوعات الموضوع

ده رأيى ...تقريبا
بس حكاية المذاكرة معايا دى مبحبهاش فهحاول ان الواحد يدرب نفسه السنة الجاية
وبالتوفيق ان شاء الله...ومتقلش النظام صعب اللى هيمشى عليك هيمشى ع زمايلك

وفقكم الله ~