اقتباس:
|
تسلم على الموضوع فعلا مميز و شامل بس انا كان عندي سؤال وهو ان مكتوب في موقع عين شمس ان يتم قبول 100 طالب من كل شعبه يعني 400 طالب بس يعني كده احتمال ضعيف جدا اني ادخل صح؟؟ مع اني جايبه ادبي 369.5 + 45.5 + 1.5= 415 و تجاره انجلش السنه ال فاتت كانت من 403
|
فكك من الكلام اللى ع السايت دا ولا ليه تلاتين لازمة
الناس دي اصلا مابتعملش ابديت للبيانات الا كل 7 سنين !! .. ماحدش بيخش على سايت الكلية دا الا عشان النتيجة وبس
فانتى لاء بالعكس انتى فرصتك ان شاء الله كبيرة وخاصة انك ادبي كمان فمجاميع ادبي بتبقى اقل من العلمي في القبول
فعموما انا شايف انك تقدمي وخشي بقلب جامد كمان وربنا هايوفقك باذن الله ..
اقتباس:
|
طب اعمل ايه بقى لو ماجتش كمان لو مثلا قدمت على حلوان و القاهره و اتقبلت في واحده فيهم ينفع اعمل حوار التغريب ده و انقل على عين شمس؟
|
حوار التغريب دا ماينفعش خالص في تجارة انجليش .. بمعنى أصح ممنوووووووع ومافيش اي امكانية انك تعمليه
اقتباس:
|
و لو حبيت اقدم خاص اذا ماجتش حاجه عدله حكومه اعمل ايه
|
ابعدي عن الخاص خااالص بالذات في محاسبة وادارة اعمال .. الا اذا كانت جامعة الالمانية او الجامعة الامريكية .. غير كدا لاااااء