[esraa ashraf 2013]

المشاركة الأصلية كتبت بواسطة comboy

على فكرة والله انتى بتفكرى غلط مش المهم هتلاقى شغل ولالا لانها بايد ربنا المهم انك درستى حاجة بتحبيها وبتبدعى فيها
وبعدين افرضى ان تنسيقك جابلك طب وانتى من جواكى مش حابه المجال ده عمرك ماهتتفوقى فيه وهتبقى دكتورة فاشلة زى اى حد هتعيش وتموت وهى كانت بتدور على موقعها وفلوسها وكلها لكن لو درستى حاجة بتحبيها هتديكى وتديها وهتلاقى فيها اكتر مما كنت تووقعى وانتى حرة طبعا

وبعدين انتى بتقولى بتحبى علوم الارض مع انك مدرستهاش قبل كدة وعلى فكرة الجيولوجيا صعبة مش سهلة اقسم بالله جيولوجيا 102 السنة دى 160 طالب واخدين المادة 80 ناجحين و80 ساقطين
الموضوع لازم نفكر فيه من جنبنا احنا مش ضغط لشغل او لاى حاجة تانية

قسم البترول بيشترط درجة اللغة الانجليزية ودى الاهم والمقابلة كله بنجح فيها تقريبا

كل الى عليكى كجيولوجى فالحيوان او التشريح انك تعرفى اجزاء الفدعة من جوة وعشان كدة بيشرحوها
والدكتور يومها شرحتها وقالت مش هتيجى بالامتحان هقولك شرح بس اللى حابب يجرب كتجربة ممكن يشرح
وفالاحر الضفدعة كلها اتلغت باللى فيها ومبقتش علينا السنة دى
ومن زمايلى بيقولو ان مكنش فى تشريح ف جيو خالص الا لو حصل ورخموا

والله ولى التوفيق ومعاكممممممم كلكم

بس مين قال اننا مدرسناش علوم الأرض؟؟...أنا عن نفسى درستها فى 3اعدادى (الصخور الرسوبية والنارية..والزلازل والبراكين..) وحاجات تانية بس انا مش فكراها..المدرسة بتاعت العلوم ساعتها كتر خيرها حببتنا فيها..هو ده مش علوم أرض ولا اية؟؟ طبعا انا عارفة ان مش هو ده كله بس بس على الأقل عندنا فكرة

دى نقطة النقطة التانية زى مافى 80 بيسقطوا فى الجيولوجيا فى مقابلهم 80 كمان بيسقطوا فى الكيميا

مش الجيولوجيا لوحدها اللى صعبة ويمكن فى كمان80 فى أى قسم تانى (للى مش بيذاكر من وجهة نظرى)

الحاجة التانية انا عارفة طبعا ان كل حاجة بايد ربنا وده ميمنعش اننا ناخد بالاسباب وطلاما فى قسم بيوفر فرصة عمل واحنا حابين هذا المجال اكتر من غيره يبقى مفيش مشكله

بالنسبة ل3 الأوائل اللى حضرتك قولت عليهم ..يمكن ده عندكم فى اسكندرية ..احنا عندنا فى القاهرة بياخدوا أعلى تقديرات وبيوصلوا ل15 واحد ولو حتى بياخدوا 3 مش مهم الواحد ان شاء الله يكون منهم ماهما لازم ياخدوا الناس اللى على كفاءة عالية

وبالنسبة للانجليزى انا الحمدلله 47 مظنش مثلا انه هيفترض الدرجة النهائية يعنى انا مش داخلة لغات

وعموما أسفة للاطاله ..وبشكر حضرتك كتير على المعلومات اللى قدمتها..وحبيت أوضح وجهة نظرى مش أكتر