اقتباس:
المشاركة الأصلية كتبت بواسطة فراشة 44
في الاول الف مبرووووووووووووك يا دكتورة وربنا يوفقك
ثانيا انا عندي كام سؤال كده 
بالنسبة للعربي انا ازاي اقفل الدرجه النهائيه فيه انا جبت السنه دي 28 ؟؟
والفيزياء هو ايه احسن كتاب اجيبه فيها؟؟
اما بخصوص المذاكرة انا جايبة 96.3% ومكمله علمي علوم باذن الله
وان شاء الله ثالثه عايزة اعلى فيها اكتر
فالمفروض اني اذاكر كام ساعه في اليوم ؟؟
كمان معلش هو صح اني اذاكر كل المواد في يوم واحد ؟؟
يعني شويه فيزياء وشويه احياء وشويه علم نفس وكده ولا غلط
معلش ع الترخيم ده يا قمر
وشكرا مقدما ع الاجابه  |
العربي ممكن معني تقفيله انك تجيبي الدرجات النهائيه في كل فروعه بس التعبير معتقدش ان حد بيقفله الا صدفه .....
القصه مذاكرتها سهله انك تقري الفصل ككل بفهم وبعدين تشوفي اسئلته وتحفظيها
النصوص بتحفظي الحفظ وهي دي هتبقي مشكلتك لانها كبيرة شويتين ممكن لو تحفظيها من كتاب المثالي لانه ملتزم بكل حرف بالوزارة واسلوبه حلو اوي وبيجي منه الامتحان
النحو مفيش اسهل منه قواعد تفهم الادب ذكرته
الفيزياء احلي كتاب فيها هو الامتحان انا تقريبا جبت كل كتاب تتخيليه حد كتبه بس افضلهم الامتحان والوسام مسائل فقط ممتاز للمسائل ده انصحك بيه جداجداجدا المسائل اللي بتضيع منها الدرجات سهله وصعبه وصعبه اوي فيه
تعلي في 3 عن 2 ممكن جدا لاني انا نقصت 2درجتين و3 درجه ونص فاشله معلش محدش نصحني
طب تعملي ايه متركزيش علي النجاح يعني مش تنامي وتصحي لازم انجح انا فاشله والكلام ده وبرده 3 محتاجه حد شجاع انه ميخافش من الفيزياء والاحياء
كام ساعه في اليوم دي حسب اليوم انا عموما يومي في ثانوي اروح الدرس وانام واذاكر باقي اليوم ومبنمش الا6 ساعات بس لا تليفزيون ولا فاطمه بقي ولا الهروب ده في ناس بتهرب من الفيزياء بفاطمه
اما مذاكرة كل المواد في اليوم مستحيله في 3 لان تركيبه المواد علي بعضها لا تتوفق مع بعضها انا كنت بذاكر3 مواد فيزياء واحياء وماده من باقي الخمسه
وشكرا واي سؤال انا في الخدمه