[بحر_الامل]

المشاركة الأصلية كتبت بواسطة eng.ahmed55

اكتر حاجة بتميز الكلية انها صغيره ومجال الشغل كتير
دى كلها ابداع وكلها تميز وفيه ناس كتييير ابدعت فيها ودا بيظهر اوى ف مشاريع التخرج
المناهج كلها بتبقى اساسيات لحاجات تقدر تزاكرها مع نفسك دا مش معنى ان الاساسيات سهلة لاااا ..دى عاوزة مزاكرة كبيرة والكلية مكانها للى بيفهم اما اللى بيحفظ صعب اووى انه يتميز فيها
الشهادة بيعترف فيها الدول الاجنبيه والعربية الا المصرية )
النظرى بيبقى اساسى دى الماضرات بيبقى نسبة كتيرة منها نظرى وتروح تطبق ف المعمل
امثله ..ممكن مصمم مواقع -مطور مواقع -محلل نظم - داتابيز ديفلوبر -مهندس شبكات وكتييير واسامى الشركات دى شهلة تعرفها ف البلد القريبة منك
ف المنصورة مثلا فيها كتييير متعدش احسن عشان هتتعب من كترهم )

شكرا يا هندسة

معلش ممكن تكلمنى شوية عن الاقسام لانى صراحة مش فاهم حاجة
هتقولى اختار على ميولك هقولك منا معرفش حاجة عن الاقسام اصلا
انا بصراحة جبت فى سنة تانية 98 % يعنى بنسبة كبيرة هلحق هندسة باذن الله بس المشكلة مش لاقى تخصص فيها شدنى لانى بحب شغل يعتمد على الدماغ بس و لما عجبنى قسم الاتصالات لقيت الناس بقولى مفيش شغل و هتتخرج تعد فى البيت
فقلت ادور على حاسبات يمكن الاقى فيها اللى انا بدور عليه
و يا رب الاقيه هنا
فانا عايز اعرف عن التخصصات فى الكلية و من امتى بنتخصص
و معلش حضرتك لو كنت جايب مجموع هندسة كنت هتدخلها و لا لأ

و اسف لانى تعبتك معايا بس انا صراحة محتار اوى و مش عارف احدد هدف لية و لو محددتهوش قبل ما ادخل سنة تالتة ممكن اضيع لان الهدف هوة اللى بيحركى لقدام

شكرا