اقتباس:
انا امنيت حياتى انى اخد دكتراه من براه (ده بس تعريف)
اولا و دى اهم حاجة هل انا اقدر اخش تجارة انتظام او حتى انتساب جامعة الاسكندرية ؟
|
ياعم عادي .. وحتى لو مادخلتهاش انتظام تدخلها انتساب وهات جيد في اول سنة وتاني سنة هاتبقى انتظام باذن الله
اهم حاجة بس بصرف النظر عن قصة انتساب وانتظام حاول تشد حيلك في تالته عشان تعلي من مجموعك شوية
اقتباس:
|
و هل لما اخش انتساب و احول بعد أول سنة علشان جايب جيد كده حبقى متساوى مع الانتظام العادى ولا ؟
|
زيك زيه بالظبط تمااااما مافيش اي فرق
اقتباس:
ثانيا هل فى فرق ما بين تجارة عربى و انجليزى من حيث الشغل و السفر
و هل انا ممكن اعوض لما اخد كرس انجليزى ؟
|
بصراحة اه .. لا وبتفرق في الشغل كمان مش عشان الشغل عايزين انجليش وخلاص
بس لان فعلا الشغل بره بيحتاج حاجات كتيرة تكون عندك بيها دراية بالانجليش
يعنى انا مثلا عايز اقولك الشغل اللى انا فيه نسبة كبيرة جدا يكاد يكون 80% بالانجليش
فلو انت مش عارف الحاجات دي بالانجليش اكيد مش هاتعرف تتعامل
وخد بالك الـ 80 في الميه انجليش دا مش انجليش عام .. لا دا انجليش تجاري
وحاجات غريبة زي inheritance و Portion و Installments و non cash item .. كلام تجاري مش انجليش عام فاهمني ؟
فدا بيبقى محتاج خريج تجارة انجليش فعلا
بس في نفس الوقت لو انت تجارة عربى ونميت من نفسك واطلعت على الحاجات دي بالانجليش اول باول
هاتبقى انت احسن من خريج تجارة انجليش ميت مرة .. اولا لانك انت بتطلع بمزاجك ثانيا انت عارف الحاجة بالعربى والانجليش فدا هايبقى اسهلك
اقتباس:
|
ثالثا هل فى منح دراسة بره فى تجاره و لا بنسبة قليلة جدا
|
لا دي بقى أفورة .. زمن رفاعة الطهطاوي وحملات محمد على العلمية لاوروبا دي خلااااااااص بح مش موجودة
انت وفلوسك ومجهودك وعيييييييش حياتك
اه ياعم فيه .. ماتخليش حد يحبطك ويقلل من عزيمتك .. بس اتعب شوية ونمي من مهاراتك وطور من نفسك على طول واوعي تقف في مكان وتقول بس كفاية لحد هنا وربنا معاك ان شاء الله