[~ Smile 4 Life ~]

هدّي نفسك يا لولو
والله انا كمان عندي في الدرس المستر بيقعد يتكلم عن الرئيس والاخوان
وانهم خربوا البلد و......و......الي آخره
بس احنا عادي جدا بنسمع من هنا ونطنش من هنا
ما هو الان اللي بيفهم واللي مبيفهمش في السياسة بيتكلم زي ما هو عاوز
والـبركة في الاعـلام...مؤدي دوره علي أكمل وجه الصراحة
انا اللي مضايقني ان ليه الرئيس مش واخد موقف من الاعلاميين واللي بيعملوه وبيقولوه
هم عاملين ان خلاص بقيوا في حرية يبقي يتكلموا زي ما هم عاوزين؟؟!
يعني عندك مثلا اعلامي محترم زي عمرو اديب لما يطلع ويقول علي الرئيس فاااااشل!!
ولما الاخ يوسف الحسيني علي قناة اون تي في يطلع ويقول الرئيس ميفهمش حاجة في اي حاجة!!!
والمحترم باسم يوسف لما يتريق ويسخر ع الشيوخ والتيار الاسلامي
ولميس الحديدي و......و........وغيرهم كتيييييييييير
هل هي دي الحرية اللي بيطالبوا بيها؟؟؟؟؟؟!!!
واللي يغيظ أكتر بعد ده كله وبيبقولوا ان الاخوان كاتمين أفواههم ومخلينهم مش قادرين يعبروا عن رأيهم
انا عاوزة اعرف لما هم كده مش عارفين يعبروا عن رأيهم...ايه الي ناقص تاني يقولوه؟؟؟
وعلي فكرة انا لا مع الاخوان ولا مع الرئيس ولا حتي مع اللي بيحصل في البلد
ولكن انا مع احترام الرئيس واعطائه مدته الرئاسية كاملة وبعد كده
نحكم عليه ولينا الاختيار بعد كده ياما ننتخبوا تاني او لا
ولكن فكرة اننا نوقفله كده ع الوحدة فده مينفعش بتاتا!!!

ربنا يصلح حال البلد ويهدينا أجمعين...