[bright stars]

المشاركة الأصلية كتبت بواسطة yasoo alaa

ودى الاســئــلـه ..


س1..عرفينا عن نفسك وخاصه في الطبخ ؟


امممم عادي يعني زي اي بنوته في المطبخ بتساعد مامتها وبتكون هيا ست البيت في غيابها


س2..وجبتك المفضله؟

اعتقد مكرونه بالبشاميل أو محشي بتنجان

س3..طبق بتحبى تعمليه كثير؟

لا مش طبق بصراحه بس هي تورته

س4..متى تعلمتي الطبخ؟

ممكن نقول ف أولي اعدادي تقريبا لكن باقي شغل البيت عموما ده من أول مادخلت المدرسه وانا بعمل حجات بسيطه كده مع ماما وكل ماأكبر شويه بتزيد

س5..موقف طريف حصل معاكى في المطبخ ؟

فقشت بيضه في دماغ اخويا ههههه
كان مزهقني وواقف جمبي وانا بعمله العشا ومكنش حد غيرنا في البيت ففقشتها في دماغه

س6..يعتمد عليك في الطبخ او لا؟

اه طبعا والحمد لله

س7..نصحيه توجهينها لطباخات المنتدى؟

دايما شغلي الشفاط اللي في المطبخ وانتي شغاله ومتهظريش مع حد بأدوات المطبخ اطلاااااقا

س 8..هل تستخدمي الميكرويف؟

لا

س 9..ما هو رأي أهلك أو زوجك في طبخك ؟

الحمد لله بيحبوا أكلي

س 10..ماهي نوعية الاواني التي تفضلين ان تطبخي بها؟

أفضل التيفال

س11..ماهي الأكلة التي تحبها عائلتك وأنتي لا تحبيها ؟


القلقااااااس


س12.. اول طبخه طبختيها ؟؟

مش فاكره بس أول حاجه بتكون حجات بسيطه كده ممكن أكون قليت بطاطس في الزيت


س13..كم مره احترقت الطبخه معاك ؟؟

امممممم تقريبا 3 أو 4 مرات


س14.. اول كتاب طبخ اعتمدتي عليه ؟؟

عمري مامسكت كتاب طبخ
كله من أمي الله يمسيها بالخير

س15..مين قدوتك بالمطبخ ؟؟

أمي طبعا ربنا يخليهالي

س16.. تحبي احد يساعدك بالطبخه ؟؟

لا مش بحب اشوف مخلوق جمبي في المطبخ لا يساعدني ولا يتفرج عليا
لان بحس اني متبرجله كده لكن لوحدي بكون مركزه وبتكون النتايج افضل طبعا


س17.. اذا باظت منك الطبخه بتعملى ايه ؟؟ ترميها ولا تضطري تاكليها؟؟

لا مش برميها بأكلها للكتاكيت أو فراخنا أو فراخ الجيران طبعا
احنا بنفيد وبنستفيد برضه



س 18.. ما رأيك بــ الفكرة لقاء وحـــوار مــع مبدعات مطبخ المنتدى؟


جميله جدا


س19 :مـــيـــن ممكن تختاري اللي بعدك ..؟

ممكن مروه حبيبتي (المتفائله)

تسلمو علي التوبيك الرائع ده