[~ Smile 4 Life ~]

المشاركة الأصلية كتبت بواسطة yasoo alaa

انا شفت الموضوع دا فى احدى المنتديات وعجبنى وحبيت اعرضه عليكم

فيه نوع من التواصل المشــــوق بيننا إن شاء الله ..

هيكون بكل بساطة كالتالي :

هي ان كل اسبوع نعمل لقاء مع طباخه يعني عضوه من عضوات المنتدى ..

ونطرح عليها بعض الاسئله وهي تجاوب عليها بعدين تختار عضوة

ثـــانـــيـــه ..

وهــكــذا....ان شاء الله تكون اتضحت الفكره

وعجبتكم..

الهدف بالتأكيد هو التواصل الراقي بيننـــــــــا .

نتمنى تحقيق هذا الشئ ,, وبالتأكيد هدفنا الأول والأخيــر المتعة والفائدة..

وتكون نفس الاسئله اللي بتنطرح على كل عضوه ...

ودى الاســئــلـه ..


س1..عرفينا عن نفسك وخاصه في الطبخ ؟

وليه الاحراج ده يا ياسمين؟
عموما انا الي حد ما بطبخ كويس
بس بصراحة من بعد ما دخلت ثانوية عامة مدخلتش المطبخ

س2..وجبتك المفضله؟

مكرونة بالبشاميل

س3..طبق بتحبى تعمليه كثير؟

الملوخية..عشان مفيش اسهل منها

س4..متى تعلمتي الطبخ؟

يعني ابتديت اتعلم من وانا في اولي اعدادي او تانية

س5..موقف طريف حصل معاكى في المطبخ ؟

كنت اول مرة اعمل فيها مكرونة محمرة روحت غسلتها بالمية قبل ما احطها في الزيت
وربنا ما يوريكي ايه اللي حصل بعدها الحلة بقيت نار كلها
وسمعتلي كلمتين في جنابي من ماما طبعا

س6..يعتمد عليك في الطبخ او لا؟

كان بيعتمد عليا قبل ما ادخل ثانوية عامة

س7..نصحيه توجهينها لطباخات المنتدى؟

نفس نصيحة المتفائلة برده..لازم الوحدة تطبخ بمزاج
لان لو بتطبخي وانتي متضايقة او قرفانة الاكل مش هيتاكل ولا هيتبصله اصلا

س 8..هل تستخدمي الميكرويف؟

no

س 9..ما هو رأي أهلك أو زوجك في طبخك ؟

الاراء عند اهلي متناقضة بصراحة
يعني اخويا او اختي مفيش اكلة بعملها الا ولازم يعيبوا عليها
اما ماما وبابا فطبعا بيقولوا عليها كويسة
"وده من باب الطبخة من ايد البنت في عين الوالدين غزال"

س 10..ماهي نوعية الاواني التي تفضلين ان تطبخي بها؟

تيفال

س11..ماهي الأكلة التي تحبها عائلتك وأنتي لا تحبيها ؟

الخضار عموما لاني مش بحبه ماعدا البامية والبسلة

س12.. اول طبخه طبختيها ؟؟

الارز

س13..كم مره احترقت الطبخه معاك ؟؟

كتييييييير مايتعدوش

س14.. اول كتاب طبخ اعتمدتي عليه ؟؟

مـامـا

س15..مين قدوتك بالمطبخ ؟؟

برده ماما

س16.. تحبي احد يساعدك بالطبخه ؟؟

علي حسب نوع الطبخة اللي بعملها
يعني لو حاجة هعملها لاول مرة ببقي محتاجة ماما تقف معايا
عشان متتحرقش وتسود عيشتي بعد كده

س17.. اذا باظت منك الطبخه بتعملى ايه ؟؟ ترميها ولا تضطري تاكليها؟؟

لا باكلها ولا برميها..
بخلي اخواتي ياكلوها بالغصب
ههههههههههه

س 18.. ما رأيك بــ الفكرة لقاء وحـــوار مــع مبدعات مطبخ المنتدى؟

فكرة جمييييييييييييلة جداااااااا
وبجد اشكرك عليها

س19 :مـــيـــن ممكن تختاري اللي بعدك ..؟

اممممممممممم
انتي يا سمسم

بجد يا ياسمين فكرة اكثر من راااائعة
وبصراحة مشاركات متميزة جدا من مبدعات الطبخ
شكرا ليكي يا سمسم جداااااااا