فاجأت التلميذة حبيبة يحيي وزير التربية والتعليم ابراهيم غنيم خلال القائها قصيدة شعرية في حفل استقبال الوزير خلال جولته بمدارس الغردقة اليوم بمفاجاة غريبة .
وقدمت التلميذة وردة للوزير والقت قصيدة بعنوان" الأستاذ والخروف" وكان آخر بيت في القصيدة "امتي وزيرنا يرجع هيبتك يا مدرسنا" .
وفور انتهاء التلميذة من القصيدة قال لها وزير التعليم " يا بنتي اللي انت عايزاه قوليه ففاجأت حبيبة الحضور بردها "حسبنا الله ونعم الوكيل فيك يا مرسي البلد ماتغيرتش" .
ويقول نص القصيدة:
يا استاذ نشكر تعليمك ف دراستك وف شرحك لينا
واقف طول الحصه بتشرح تعبان مستحمل بلاوينا
تاعب نفسك طول اليوم لجل مايطلع فينا دكتور
ومناهده وتعب فى الحصه من طلبه مشاغبه ومناكفه
ومرتب مبيكفيش وجبه مستحمل لجل تعلمنا
مستحمل قرف التلاميذ ودلعهم ودى حاجه تغيظ
مستحمل علشان يتخرج نشأ جديد يكبر ويخرج
هى رسالتك كدا يامعلم تدى ولا تاخد وتعلم
بعد الغلب داكله تجيلك شكوى من تلميذه وتكيدك
تجرى وتعيط وتنادى دادى دادى
الاستاذ زعقلى يا بابى وشخط فيا وقال يخرابى
دا الاستاذ حطوه على بابى ازاى تصرخلى وتنادى
اكتب شكوى بسرعه يابابى
والننوسه تشتكى وتعيط عايزة يابابى استاذى يعيط
عاوزاه يجى عندى ويتاسف قدام اصحابى ويتند م
وكأن الأستاذ شغال عند البنت الحلوة دلال
ياناس ياهوه دا مدرس ومعلم ورسول
ورئيس ومدير ووزير
خرج كل الرتب العليا من ريس لأقل مدير
حامل اعظم شىء ف الكون لاتقول ظابط ولا دكتور
نفسى وزيرنا يرجع قيمتك يامدرسنا ياسيد الكون.
|