[فطوم والبسمه تدوم]

المشاركة الأصلية كتبت بواسطة الحجاب الحجاب

احب افكركم بأحلى ذكريات الطفولة

* فى_المدرسة:"مستر انا جعااان اوى ممكن اكل" مفيش آكل يا قليل الأدب انا مش مالى عينك ولا ايه ركز ع الصبورة انت اول واحد هتتسأل .. "أوووووف حاضر" ، بتعمل إيه تحت الدسك كل دقيقتين !!!! "القلم وقع يا مسترررر كل شوية بيقع" !!!! الحمدلله شبعت

* مين فاكر لما كنا بنقضي ساعات ادام بنك الحظ و بنتخانق دايما على القاهرة و دمشق عشان نحط سوق فيهم .. واللى يمسك البنك ملوش حق يكلم أحلي_جيل

*و مين فينا متخيلش اللى هيحصل لو مروحه السقف وقعت

* تلاتة جلاد احمر واتنين اخضر وواحد اصفر يا ماما .. والمستر قال لو مجبتش كشكول بدل كراسة هنضرب ..ذكريات

*كشكول التطبيق بتاع اولي ابتدائي .. ذكريات

* فى_المدرسة: انا هصوم لحد المغرب .. انت كداااااب .. لا والله ما كدااب .. طب طلع لسااانك

* مين كانت صدمة عمره فى "5 ابتدائي" لما عرف ان عقلة_الإصبع كان بيحلم ؟!

* ومين فينا وهو صغير مارماش نفسه ع الارض وعمل نفسه ميت ومحدش من اهله عبره

* الواحد مننا كان بينام تحت السفرة يصحى يلاقي نفسه على السرير بقدرة قادر

فعلا دى احلي ايام
انا بقرا كل موقف واتخيله حصل معايا وببتسم
نايس توبيك
تقبلي مروري