ماما امريكا
بيقول مصر ام الدنيا
بس احنا عارفين الدنيا فانية
سيبك من اى فعل او كلام
سيبك من الواقع والاوهام
نام واسبح فى بحر الاحلام
واصنع فى خيالك عالم السلام
عالم الحب عالم الاقلام
امريكا تهدد سوريا بحرب
والعرب وسط العروبة غُرب
كل العرب ساكتين
او عاملين نفسهم نايمين
وكان هتافهم ع القدس رايحين
وفلسطين استنت الملايين
بس امريكا قالت عيب يا حلويين
اوعوا تزعلوا اسرائيل
ياما تكونوا مجانيين
وعلى الحياة مش باقيين
سمعت العروبة الكلام
ورجعت لبلادها تنام
اصل اللى بيحكم اشباه
ولا كانوا فى يوم رجال
سوريا تهتف وتقول
كفى يا عرب خوف
كفاياك عايش مذلول
اخرج من صمتك ونادى
دمائنا فداء الاراضى
واول ما العرب قالوا
مش هنضحى بالاراضى
صرخت امريكا كفاية
هو انتوا نسيتوا الحكاية
انا اللى عملاكوا
انا الاساس
عروبة فعلا من غير احساس
وكلمه العروبة بتنداس
امريكا تهدد وامريكا تقول
وعرب يسمع من غير حلول
يبقى متقولش مصر ام الدنيا
مصر ساكته عن حق العروبة
ملهية فى ارهاب عاوزها مخروبة
وجيش بيحارب جوا وبره
يبقى الام هى الحاكمة
مصر خلاص بقت انتيكا
ومن انهاردا ماما امريكا
__________________
انا اللى لما بجوع بعنيكى بتصبر
ميغركيش العدد والله انا اكتر
انا اللى مش اخوان
وانا اللى مش عـســكر
|