اقتباس:
المشاركة الأصلية كتبت بواسطة sabha51
بحبك يابلدي كلمة واحدة مش كفاية
بحبك يابلدي ونبض روحك بسمعه مع صوت ندايا
بحبك بقولها لانك بلادي فيكي بدايتي وفيكي النهاية
فيكي حبيبي وصحبي وقريبي وفيكي صبايا
وفيكي شبابي وفرحي وعذابي وفيكي هنايا
بحبك يا مصر ياأجمل صبية ما بين الصبايا
بحبك لانك وهبتيني دمك ونيلك بيروي وريد البرايا
وهرمك وكرمك وعزك وشممك دليل الحكاية
بحبك يا مصر يا أجمل مرايا
بشوف نفسي فيكي واحسك معايا
واشوف لوني منك وأشوف صغر سنك أحسك ضنايا
يا حبي الكبير يا قلب وضمير عايش معايا
بحبك بقولها وبأعلي صوت فداكي يا بلدي وعشانك اموت
فداكي حياتي ياامي ياذاتي يا اجمل صفاتي يارمز القنوت
يامصر التدين يا رمز الايمان بحبك هقولها كمان وكمان
ياأم الطيابة يا حضن الغلابة يا نبع الحنان
غريبك في دارك يحس بانه صاحب مكان
ياأم المساجد وارض الكنائس ورمز التدين ورمز الامان
يامهد الرسالة لعيسي و موسي وكل زمان
|
تسلم الايادي
قصيدة رائعه
نحبك يامصر