حلمت اليوم حلمين الحلم الاولانى عند الليل حلمت ان اختى راكبة عربية وقافلة الازاز بتاع شباك العربية وانا برة العربية ببصلها من الازاز ولقيت فى الكرسى اللى جمبها فى العربية تعبان صغير رفيع جدا اللى بيسموه حنش
وقلتلها خلى بالك راحت قالتلى ماشى وساقت العربية ومشيت ولا كانى قلتلها حاجة وقعدت اجرى ورا العربية واقولها خلى بالك فقالتلى انا واخددة بالى
الحلم التانى كان من الظهر للعصر نمت
حلمت انى داخلين بيت غريب وكل اسرتى قاعدين ومبسوطين
وفجاة لقيت حمار رابطين وراه ثور فلما شفت الحمار جريت لقيت وراه ثور تخين وقرونه تخينة وبقولهم خدوا بالكم وبيقولولى انتى خوافة فخبط ماما بس ماما مسكت قرونه وعرفت تحوشه عنها وبعدين لقيت ثور تانى جاى ناحيتى ومش عارفة اروح فين واخواتى بيضحكوا عليا وكان ثور رفيع ولكن قوى وشرس وعنيه حمرا وقرونه طويلة رفيعة فنطحنى بيها وكان سيعضنى وانا اصرخ ومحدشش واخد باله وبعدين بعدت عنه بسرعة ولقيت ماما وبابا قاعدين وبينهم تعابين كتير متوسطة الحجم والطول وانا خايفة وهما بيضحكوا ودخلت حجرة تانية لقيت فيها نمر ابيض صغير عنيه زرقاء شديد الجمال بس اختى قالتلى ده بي*** الناس و انا كنت خايفة منه ولما بابا جه قلتله ابعد بسرعة ده بي***
وبعدين حبسناه فى اوضة
والحلم خلص
على فكرة انا حلمت بالنمر الابيض قبل كده
والتعابين برده حلمت بيها كتير
|