ازيكم ياشباب انا اولي علوم
ربنا يوفقكم وتجيبوا مجاميع حلوة وتحققوا امانيكوا نصيحة من اخت ليكم اوعوا تركنوا مذاكرة اي مادة الكيمياء سهلة جدا بس للي يفهمها افهم المعادلات وخليها دايما في بالك هتلاقيك حفظتها الموضوع عاوز تكرار وحل كتير والفيزياء نفس الموضوع طول ماانت بتحل كتير وبتمتحن كتير هتتعود وهتحل اي سؤال قدامك باذن الله واوعوا تهملوا العربي وتقولوا سهل هلموا في الاخر مينفعش اعتبروه زي الفيزياء او الكيمياء انا اعرف ناس جايبة درجات عالية في كل المواد وناقصة حوالي سبع درجات عربي والاحياء عارفاها هتقولوا رخمة وعايزة حفظ هي فعلا كدة بس طول ما ايدك بتحل كتيير هتلاقي الموضوع اسهل ان شاء الله والله يوفقكم واوعى حد يزعل لو جاب مجموع هو مكنش عايزه لا ربنا كتبلك كدة وده فيه الخير ليك وهتعرف كدة بعدين طالما عامل اللي عليك سيب الباقي ع الله ويارب تجيبوا المجاميع اللي انتم تتمنوها
|