[أمــلــي فــ ربنـــا كبيــــر]

المشاركة الأصلية كتبت بواسطة ahmedelfangary

انا بعتذر عن التأخير .. انا هاخد تعليق حضرتك نقطة نقطة ..
لا ابدا عادي اصلا حضرتك كتر خيرك اوي انك بتساعدنا ربنا يجعله في ميزان حسناتك

بالنسبة انك تقدري تخلصي 3 مواد في أسبوع .. ده متوقف على المواد نفسها .. يعني لو ممكن نقول الكيميا والفرنساوي والجيولوجيا .. ممكن جدا في أسبوع .. وممكن عربي وانجلش لكن بتركيز شديد .. وليه تضغطي نفسك كده .. متندفعيش أوي علشان متمليش .. لكن انك تزاكري 3 مواد في اسبوع ممكن جدا .. لكن الحكاية عايزه تركيز .. ومش حاجة خيالية ولا حاجة ..
لو كدا يبقي تمام
انا معاكي ان التغيير لازم يكون من داخلك انتي .. واحسن طريقة لتقوية العزيمة والارادة .. هي طريقة الثواب والعقاب .. بمعنى انك تحطي لنفسك خطة معينة تمشي عليها
المشكلة هنا اني مش عارفة ابدأ منين ولا المفروض دلوقتي اعمل ايه بالظبط !
.. ويكون مع الخطة دي عقاب قوي .. يعني ولنفرض انك هتزاكري يونتين انجلش أو فصل كيميا .. ولو مخلصتيش الحاجات دي تحطي العقاب مثلا انك تزودي عليهم حاجةاصعب منهم ولنفرض زيادة فصل كيميا ويونت انجلش في نفس اليوم .. وتعاملي مع الوقت ان الامتحان بكره .. وان الحاجة دي بتشوفيها لاخر مرة .. اوك هحاول ان شاء الله اطبق الكلام دا بس لما اعرف خطة المذاكرة الاول

نيجي بقا للحكاية المهمة .. عدم ادراكك بأهمية الوقت ..
انا قبل اي حاجة هطلب منك اعترافك بالتقصير ..
معترفة
تاني حاجة عايز اطلبها منك انك متقعديش تكرري انك قصرتي وانك وانك .. الماضي خلاص مش هيرجع .. ولسه معاكي 4 شهور .. ممكن تحصل فيهم المعجزات .. وعلى فكرة اغلب الناس في ثانوية عامة بيبدأوا مذاكرة صح من شهر واحد ..
وانا بصراحة عاجبني عدم القلق ده .. لكن اللي مش عاجبني هوا عدم ادراك اهمية الوقت والمرحلة ..
طيب الحل !!
انا عايزك تتخيلي نفسك بعد 10 سنين وانتي بنفس جهدك ده .. هل من الممكن انك تكوني طبيبة .. هل من الممكن تكوني اي حاجة حلوة .. بنفس مستواكي ده .. مظنش ..
عايزك تتخيلي يوم النتيجة .. هيكون شعورك ايه وانتي رايحة تقولي لاهلك انك جبتي مجموع وحش .. هيكون منظرك ازاي وانتي بتقولي كده .. اظنك اتصدمتي من التفكير بس .. فما بالك لما تعيشي اللحظة دي .. احنا مش عايزين نوصل لكده ..
نقفل الشباك الكئيب ده ..
تخيلي نفسك يوم النتيجة وانتي جايبة المجموع اللي بتحلمي بيه .. ورايح تقولي لاهلك على درجتك .. ووالدتك فرحانه هيا ووالدك وبيقولو بفخر بنتي رفعت راسي وجابت المجموع الفلاني ..
وامش بالزمن شهر كمان وانتي بتكتبي استمارة الرغبات .. وبتحطي كل كليات الطب في الجمهورية وتكتبي الكلية اللي نفسك فيها بقلب جامد ..
تخيلي بعد 10 سنين برضو .. وانتي دكتوره بتحضري ماجستير واسمك مكتوب على العيادة بتاعتك .. وليك وضع اجتماعي مميز ..
مش نفسك تكوني كده ..
طيب ازاي هتكوني كده وانتي متعرفيش قيمة الوقت وقيمة الساعات اللي بتعدي وقيمة المرحلة اللي انتي فيها ..
زي ما تزرعي زي ما هتحصدي ..
حضرتك معاك حق لاني في اول السنه زرعت افكار سلبيه واديني بحصد اهو زي ما حضرتك قولت : في طلبة بيكرروا الفكر السلبي ده وبيرددوه فبيتحول لاعتقاد .. يعني هيعمل حاجة مسلمة مش هتتغير بعد كده الا بصعوبة ..
اشتغلي بجد وباخلاص .. اعملي المستحيل .. زاكري باقصى قدرة ليكي .. وخليكي متتوتريش .. التوتر مش حلو لكن الوحش صح هو عدم الاحساس بالوقت ..
واحسن طريقة علشان تحسي بالوقت .. هيا الجداول .. وتكون كل حاجة بالثانية حتى النوم حتى الأكل .. انا مقصدش تكوني آلة لكن أقصد تكوني ملتزمة بالجدول ..
انا فاشلة في حكاية الجداول دي بصراحك بعملهم و برميهم
وعلى العموم بعتذر من التأخير أولا وعن اللهجة القاسية ثانيا
واي استفسار او مساعدة انا تحت امركم

جزاك الله كل خير وانا استحق اللهجة القاسية