خوف مع اقتراب الامتحانات ولكن خوفى من نوع خاص
السلام عليكم
انا طالب فى ثانوية عامة زى اى حد فى الفترة دى بيجيلنا قلق كبيير لكن انا قلقى من نوع خاص شوية مبيحسش بيه الا لو واحد حريص جدااااااااااااااااااااا على اى ربع درجة ومبيحبش يفرط فيها
انا دلوقتى تقدروا تقولوا مستوايا كويس جداا لكن فيه وسواس غريب جداااا يعنى مثلا
فى العربى : بالرغم من حفظى لكل اللغويات اللى موجوده فى كل الكتب والمذكرات واللى المستر (الله يباركله) بيجيبهالنا من المعاجم وهى كتييرة جداا وفيها كلمات غريبة انا بالرغم من دا كله ولسة خايف خوف شديد ان هيجيلى معظم اللغويات فى الامتحان من بره اللى انا حافظه وحاسس برده انى لو قفلت كل الامتحان هيجى مصصح (ربنا يبعدوا عننا )ويجى منقصنى فى التعبير كتيير يبقى كل حاجة ضاعت كده
فى الانجليزى : بالرغم من حفظى كلمات كتييير جدااااا من الكتب الخارجية والمذكرات اللى بجيبها من على النت وعلى الرغم من حلى كل التراجم بتاعت السنين اللى فاتت بكل سهولة الا انى برده خايف اخش الاقى كلمات كتيير فى الامتحان مش عارفها (مع انى نادرااا ما بلاقى كلمة جديدة ) وخايف برده ان الباراجراف هيجيلى واحد زى المصحح بتاع التعبير اللى فوق ده وينقصنى فيه درجتين تلاتة ابقى كل الللى عملته ضاع (انا خايف من الباراجراف مش لانى مش بعرف اكتبه انا ممتاز جدااا فيه والمستر بيشكر فى الباراجرافات اللى بكتبها كتيير لكن انا خوفى من غباء مصحح ولا حاجة لانى متعقد من الموضوع ده من تانية ثانوى وكمان من خبرات الناس بتاعت السنين اللى فاتت مع التظلمات
وانا الحمد لله كل المدرسين متوقعين منى حاجة عالية اوى لكن لو ربع حاجة من اللى فوق دى حصل معايا هروح فى السلامة
انا اسف على الاطالة لكن انا بس نفسي حد من بتوع السنين اللى فاتت يكلمنى فى الموضوع ده
|