اقتباس:
المشاركة الأصلية كتبت بواسطة malak mostafa
لو سمحتم
انا محتاره بين فنون تطبيقيه (ديكور) وهندسه (عماره) وبحب الاتنين
وعايزه اعرف ايه احسن ف الدراسه والمستقبل وتوافر الشغل |
هندسة عمارة ميزتها انها تبع نقابة المهندسين واكتر من هندسة بتدرسي مواد هندسة واكتر منها كمان
لكن فنون تطبيقية تتبع نقابات مستقلة وبنحاول بقالنا 200 سنة نبقى فى نقابة المهندسين والموضوع صعب جدا بسبب الدكاترة معقدين الموضوع
بس عمارة بتاخد مجموع اعلى حوالى 2 او 3%
انتى ممكن تدخلى فنون جميلة قسم ديكور من اعدادى مش عمارة وتتخصصي عمارة داخلية فى تالت سنة وشهادتك بتبقى بكالريوس عمارة داخلية احسن من تطبيقية كمان لان تطبيقية مش مضمونة وفيها تنسيق داخلى لكن فنون جميلة ديكور من اعدادى (هتمتحنى فنون جميلة فنون)
كمان فنون جميلة ديكور بتدرسي مواد كتير اوى من عمارة بتدرسي العمارة الداخلية والخارجية ومواد كيميا وفيزيا اكتر من تطبيقية كمان مع ان تطبيقية برضو بتتميز بحاجة مش عند حد انها بتخرج واحد فاهم الشغل كويس من ناحية لكن فنون جميلة بتهتم بالابداع اكتر والخيال
تطبيقية بتهتم بالتطبيق يعنى
وفنون جميلة بتهتم بالجمال والابداع
وربنا يوفقك تحت امرك فى اى وقت