دارى الدموع وسط الكلام
واستنى لما الناس تنام
وتعالى بعد اما الجميع يمشوا
اقفل بيبانك واقفل الانوار
اقعد لوحدك عد فى الادوار
شوف كام عدد اللى عليك خافوا
طب كام عيونك فى حزنك اتشافوا ؟
اقعد كده احسب كمان مرة
جرب كمان واجمع كمان
ضيف اللى كان وامحى اللى خان
اطرح صحاب المصلحة
وامحى اللى بعدوا من زمان
ضيف ع الجراح جرحين كمان
خليك لوحدك كالعادة
هات قهوة مرة اوى وسادة
وارجع لقلمك وحسابك
ضيف ع اللى مشيوا كمان واحد
ضيف ع اللى نسيوا كمان واحد
ضيف ع اللى باعوا زيادة
احسب حسابك مرة من تانى
كان ع اليمين اعداد كتير
بقى ع الشمال صفر وحدانى
By : Me