كاتب واعد
في الواقع الفعلي ماليش اصحاب كتير لاني من زمان انطوائي ومعرفشي اقول كلمتين علي بعض وكنت خجووول جدا مهنه التدريس علمتني الكلام اتربيت بطريقه ارهابيه علشان كدا طلعت ارهابي يحمل قلم
المهم علشان مطولشي علي اصدقائي صراحتي الفظه مخليتشي ليا اصحاب كتير
لكن ربنا عوض عليا باصدقاء الفيس و دول اجمل حاجه حصلت معايا في سنتين والاجمل انهم من جميع دول العالم
زمان كنت لاصق قدامي خريطه للوطن العربي وكنت دايما بحلم بحاجه اسمها الولايات المتحده العربيه
واخدت علم السعوديه كعلم ليها والقاهره كعاصمه
الموضوع دا فضل معايا كذا سنه وبعد كدا انشغلت بالثانويه العامه ثم الادب الانجليزي والشعر الفيكتوري وعصر النهضه والفوناتيكس وبعد كدا الجيش وهناك اتعلمت حاجات كتير
اول حاجه طلبوها مننا كدفعه مؤهلات عليا اننا نلم حجاره وزلط بالواحده في ارض رمليه
اكتر موقف عجبني كنت بشرب من جركن كبير بعد ما اندمجنا ورمينا من علي كاهلنا رفه الملكيه
صف ظابط بيقولي انتا مؤهل عال قولتله اه
قالي وبترفع جركن كبير علي بقك
المفروض انك مهما حصل معاك تكون واثق من نفسك ومعتد بيها متخليش حاجه تغيرلك طباعك المهم كتبت جمله علي ترابيزه في براجوله بالانجليش ومكنتش اعرف ساعتها اني هاكون في يوم من الايام
كاتب يحرث في البحر الجمله بتقول" It might be good days ,but not happy ones"
|