مثلا انت مطفي النور ونايم على السرير
يدخل عليك أخوك يقولك انت بتنام
بترد عليه لا بلعب طبعا بأنام
أو تكون لابس ومتزوق وعلى سنجة عشره
ورايح ناحية الباب
تقولك أختك انت خارج
بترد لا بأجرب الباب
أو انت ماسك الكتاب وبتزاكر
يخش عليك حد من أهلك يسألك
هااااا بتزاكر
لا بأغسل سناني
ماسك الكتاب في ايدي هاكون بأعمل ايه
طبعا بأزاكر
أو تكون قاعد في كافيتريا
ويقابلك واحد صاحبك
يسألك بتعمل ايه هنا
ترد عليه هأكون بأعمل ايه
بأبيع ميه يعني
لا وتعالو شوفو قنواتنا العجيبه اهم واسئلتهم !!
يسألوا الواحد في العيد تحب تقول لأهلك ايه
يعني هيقولهم ايه؟
اكفي القدره على فمها تطلع البنت لأمها مثلا
يعني السؤال تحفه والمذيع ومعد البرنامج اتحف
والأسخف من هالبديهيات اللي تضيع وقتنا إذا قابلو الاطفال , , ,
يقول المذيع للطفل :- أنت تحب ماما وبابا ! !
لا بيحبك انت طبعااااااااا
المهم أسئله غبيه ترفع الضغط وتجنن وتخنق
الله يحفاظنا من الأغبيه قولوا يا رب
مثلا راكب العربية ودوّرتها وخلاص هتطلع ... يجيلك لك البواب
ويخبطلك على
الزجاج,, انت بكل ذوق تفتح الزجاج وتقوله : خير في حاجة؟
يقولك : انت رايح الشغل يابيه ؟
(( لا.. العربية واحشاني ))
مثلا ماسك سماعة التلفون وقاعد تضغط الارقام يجي حد من أهلك ويقولك: انت
هتتكلم في التليفون ؟
(( لا.. بتفرّج عليه ))
آه نسيت أسألكم: قاعدين تقروا الموضوع دلوقتي؟
ج: لا أعدين نخيط
هههههههه