السلام عليكم
انا طالبه ف تالته ثانوى سعودى،، و كنت عايزه ادرس فلك بحته كليه علوم او هندسه طيران و فصاء و طبعاً اهلى رافضين الكليات ده خصوصا ان والدى دكتور ف كليه هندسه و رافض فكره دخول البنات هندسه اساساً و والدتى دكتوره ف كليه طب ف صعب عندهم انى ادخل كليه ماشتغلش او حتى انى ادخل الكليات ده اصلاً
و ماما كانت قالتلى انها ممكن تخلينى ادرس فلك ف الجامعه المفتوحه بس ملقتش التخصص ده اصلاً ف اى جامعه مفتوحه
ف انا دلوقتى عايزه اعرف هل ممكن مثلا انى اقدم ف كليتين مثلا علما بان مجموعى جايب طب ان شاء الله ع التنسيق بتاع السنه اللى فاتت و كليه علوم مثلا او هندسه
و هل ممكن لو منفعش الاتنين يبقوا حكومى ممكن مثلا ادخل كليه خاص و كليه حكومى ف نفس الوقت
يعنى ممكن اجمع بين كليتين اصلا ف نفس السنه يعنى مثلا ابقا اولى طب و اولى علوم و لا
و لا لازم استنى لحد م اخلص كليه!!
و هل لو منفعش ممكن ابقى ادخل المحاضرات مع بتوع علوم مثلا
و انا اصلا مش ف الكليه ده يعنى ادرس معاهم بس مش امتحن و لا الدكاتره مش هيرضوا ادخل المحاضره اصلاً و هعمل مشاكل
ي ريت تفيدونى بالله عليكوا لان الموضوع مهم جدا بالنسبه ليا و طب
مش عارفه اقتنع بيها ابداً
و فلك ده حلم حياتى😍 لانى نفسى اشتغل ف الاعجاز العلمى ف القرآن اللى انا حافظاه الحمد لله^^
و جزاكم الله خيرا^^